出街街
幾時帶BB出街，一直以來都是一個很深層次的問題。
在坐月期間，除了到醫院覆診，BB和媽咪都好聽長輩話，乖乖地坐在家裡。一般聽人講唔帶BB出街的原因有：怕吹襯、凍襯、熱襯、曬襯、焗襯、多塵、唔好比BB見咁多人怕BB小氣、去人多地方有菌會病、BB太細用孭帶會夾襯BB、躺在BB車會震襯...... 好多好多不同的論點，有些有論據及論証，有些有論據沒有論証，有些則論據和論証都沒有。
...
男女之間一個好大的分別，就是男的會比較理性去分析問題，而女的就比較感性一點。潮爸會用理性分析問題，但在與各媽媽級交流湊B心得中，嘗試盡力去打開自己感性的一面，去感受各媽媽於對湊B的感性。
BB係囡囡，出世屬於正常體重，不是大B。生長線也都只徘徊在25%ile 至50%ile之間，W/H比列fall into median，總之人家comment就是睇相好大個，見真人好細粒。抱出街街，人家都會問BB幾大？坐完月出街，人家話做咩咁快帶BB出街；兩個月大帶出街，人家話無人帶咁細個BB出街；三個月大......到四個幾月大，去ToyRus，坐巴士，行超市，人家都會出於關心地講同一句說話。有一次去一間比較企理的酒樓飲茶，經理（男）幫我們點菜，他亦順口問了同一句說話，他接着說他的女兒一歲零兩個月才敢帶出街，怕咁細個帶出街唔知會有啲咩事，他說我們很勇敢！
經過這一段時間接收到同一提問及人家的擔憂，按捺不住到網上搜尋"幾時帶BB出街？" 有很多媽咪都post咗意見上網。有的說坐月期間"頂不住"已帶BB出街；有的滿月後帶BB出街食滿月飯；有的兩個月後才抱BB出街。母嬰健康院提議最早滿月後，亦有些前輩及長輩叫潮爸多帶BB出街，多見一些人比只是留在家好。
每個家庭、媽咪及BB的情況也不同，BB幾大才帶出街，真的沒有一個Standard。總之，每次帶BB出街，潮爸都會先諗，目的地，外出時間⌚️及多久，天氣狀況而作出適當的配套：
1. 先check check天氣報告，看看溫度、濕度、晴天、 雨天 (at least)
2. 準備好被仔、衫子、風扇、遮等等（for short trip）
3. 準備好2 + 奶粉和水或Ready to feed、片片、濕紙巾、砂巾、BB袋等等（for 長途or long hours outing）
4. 大人也要自己做好個人衛生，多洗手。
5. 大人自己唔病+乾乾淨淨，細菌就唔會惹到BB。
外間環境的衛生，外間空氣有多少細菌，是其中一部份；衛生環境差的地方或太擠擁的地方都不適宜去；另外多加留意BB的狀態及個人衛生，問題自然可迎刃而解。
趁太陽差不多落山，外面無咁熱，帶BB出街街行吓先。