https://www.facebook.com/babyandpapa/posts/259976870855076
餵母乳
太太產假完返工後，她的同事很開心。太太也像放監一般十分雀躍，成個人生猛返曬！可以化粧、帶con、著靚衫、著高踭鞋。未返工前，為了BB健康，決心餵母乳。因為埋身餵BB唔肯食，可能在醫院已比BB用過奶樽，加上BB曾經有兩次咬傷乳頭，便完全轉用breast pump，將母乳泵到奶瓶，放在雪櫃待用。太太在家時，每天都會泵大約八至十次，每次三十分鐘，都幾辛苦，好似要坐在office 做工那樣。在坐月子期間，為防斷奶，半夜BB瞓咗，零晨三點幾都要泵一轉，真的忙到冇得停！
上班後，在office 泵兩至三次，放工拿回家。以前在office要搵間房（乾淨的房）泵奶是一件很不容易的事，感恩現在社會上流行餵母乳已有一段時間，好多公司都有房間可以泵奶，亦不介意員工突然間「唔見咗人」30-45分鐘去泵奶。一個文化形成的背後，真需要有心人去推動及需要時間去與社會融合。
雖然不斷都有泵母乳，媽咪在各方面亦都做足功夫，但奶量始終不夠去完全配合BB的食量。故採用Mixed Feeding方法，使BB滿足，又不至於將餵哺的壓力全放到媽咪身上。BB的餵哺、家庭各人壓力的舒緩、健康的概念、工作時間等等，各方面的平衡，都是同等的重要。