https://www.facebook.com/babyandpapa/posts/260258024160294
日程表
現在基本上每日八時起床，因為BB就是一個完美的鬧鐘，是一個一定會響的鬧鐘，準時早上八點就會落order，嗌嘢食，而現時四個月大，都只會嗌A餐=奶！不過講明mixed feeding，有時會係放在雪櫃的母乳或沖奶粉。每次都是餵完奶跟住就換片，Routine work。因為BB一話肚餓就係「好好好好肚餓！」要即刻食，如果換咗片先食，遲多一陣，就會：眼淚喊住流。
BB有時食4安，有時食5安，有時食6安，已經計住時間和份量，但BB有時食幾多都好似睇心情。但無論食幾多，食到用...條脷推返個奶咀出嚟，就會笑曬，有個好滿足的笑容，踢吓腳仔，好似話比人聽：「我食飽飽啦！好味道呀！」食完奶換完片，那就放BB在BB床 or Baby Sitter Balance度自己玩。BB玩到攰就會瞓一至兩個鐘，跟住就有少少時間去煮早餐或午餐比自己食。開頭未完掌握到BB的Feeding pattern 及Sleeping pattern，煮煮下嘢要停曬去餵奶或BB剛剛起床要抱下，但適應之後，事情安排方面都頗為得心應手，間中煮一餐「在家千日好午餐---兩餸一湯」都得 --> 可溜灠版主的個人Facebook。
昨天因為有朋友來探BB，煮了一個潺菜黃耳湯及勝瓜炒蘆薈，都沒有甚麼好的招呼。 不過上門探BB的朋友大家都好熟落，我想他們都不會怪我。
今日簡簡單單，早上炆了冬菇，午餐就整了一個冬菇煎蛋米粉，另加西柚及布冧。