https://www.facebook.com/babyandpapa/posts/260507747468655
日程表 • 續
上回只講到午餐，那午餐後又如何？
因為早上都很忙，午餐通常是late lunch，大概2-3pm先食。食完洗完，Routine work又繼續...... 每天午餐後，大概3-4pm，都有種陪BB等媽咪放工的感覺。還有兩至三小時太太就回家，要安排晚上到哪裡用膳，還是叫外賣，還是再煮晚飯？對於個人來說，一至兩個人飯是最好煮的，因為快、靚、正！同埋煮一些大家都喜歡的食物比較容易。若人多食飯，每個人都有不同的喜好，一餐飯要滿足所有人是一件不容易的事。
通常下午時...間，太太都在office泵緊奶，可以講電話。打比太太，她第一句一定問：「囡囡乖唔乖呀？」囡囡坐在我旁邊，本來Ee Ee Eur Eur，突然間停曬，瞪大眼子望住我同媽媽講電話。之後就開個Speaker phone比囡囡聽吓媽媽把聲，囡囡就Eur Eur Eur...... 玩一輪後，跟住就入正題討論今晚去那裡食飯。以我所知有很多人都會prefer or insist在家煮，可以慳些錢。煮其實不是一個問題，但洗是一個問題。
一講到洗，大家必定諗起「洗碗」！女孩子對洗碗這個詞語比較敏感，如果要女孩子洗碗，有些會好激動，脾氣多好的，內在含藏的火都好可能會「爆」！所以大家不必擔心，碗是我洗。咁碟呢？筷子呢？砧板呢？鑊呢？爐頭呢？大家放心，做得潮爸湊得B，全部都是我洗！
其實大家都想慳，一個家庭，樣樣都要開支，不過有時為了方便，都會出去食飯。如果有人嚟同BB玩，就像前兩天BB姑媽放工嚟探BB，我們就會帶埋BB出街食，可以早一些食，並且可以多些時間傾下計。
晚飯回家後，太太就好攰，泵多一次奶就要瞓。那我就幫BB洗澡，跟着睡前多餵一次奶。BB及太太睡了，我還有每天最後的工作，就是把所有奶樽及Breast pump的所有組件清潔好，待明天用。