https://www.facebook.com/babyandpapa/posts/260712837448146
捽面
無論上黎屋企探BB的親戚朋友，在Facebook看到小女相片的人，或是在街上或超級市場看見BB的途人，都會問一句：「點解BB面仔咁紅嘅？」奈何BB成日都捽面，捽到紅曬。跟住大家都會問係咪敏感？有冇搽藥膏? 有冇睇醫生.....? 那些是奶癣，很多BB都有。
BB從出生開始已經成日捽面，頭一兩個月都冇面仔紅，但在大三月尾四月頭回南天時，奶癬突然間多了很多！持續捽面的習慣，頭仔拎來拎去與衣服磨擦，就算戴住手套仔都捽到成面損曬。到藥房問過，試過一些初生嬰兒專用，說明沒有steroid的藥膏，效果OK，但搽完面仔很乾，搽左兩日就冇再搽。之後奶癬越出越多，突然間醒起人奶有antibody可以殺菌消毒，之後就Keep住用人奶搽面仔，奶癬又退了不少。
但BB不斷捽面，長此下去都不是辨法，於是訪問了很多人及在網上搜尋減少奶癬及令BB唔好捽面的方法。有經驗仕提議用銀花水洗面，試過，開頭都Ok，奶...癬退了一些，但多用幾次之後就沒有顯注效果。請教過醫生朋友，只有Keep住搽藥膏，keep the skin clean and moisturized。及後就從日常用品着手，看看是否被舖、衫仔、家裡的塵或致敏原、洗衣液、個人衛生、還是去街街的影響..... ...... 經過一輪研究，換過不同物料的被舖、衫仔及BB床，call鐘點幫忙成屋徹底清潔，試過不同牌子的洗衣液，每次都洗乾淨手先抱BB，唔抱BB出街...... 結果係，以上全部都唔關事。最後試無可試，就試吓第二隻牌子奶粉，結果出奇地好咗啲。
大概兩至三星期前，有朋友Whatsapp介紹用一枝藥膏，在大型藥房，仲要有藥劑師駐店的分店才有售，那馬上跑去買，單支裝50g要$300HKD。回家後，幫BB沖完涼，用熟水洗面後，搽了一點點。這支藥膏不似一般的BB藥膏搽完皮膚很乾，而是很潤（Shea butter texture)。隔了一晚，第二朝奶癬退了很多，之後就Keep任用，現在也有用，Thx Thx 陳太。BB仍然一直在捽面，好返九成，又捽損返，所以面仔一直都是紅紅的。
最update資料：幾一輪「激戰」後，BB右邊面仔已經好返95%，BB左邊面仔已好返80%。因為常常都要搽藥膏在面仔，太太話很久都沒有Kiss過BB塊面......希望BB快啲好返，唔駛再搽藥膏。By the way，今日去母嬰健康院打針，再問問醫生有沒有其他處理方法。