https://www.facebook.com/babyandpapa/posts/261076014078495
打針
同BB去母嬰健康院打針，四個月大，要打兩枝針，一針係白喉、破傷風...四合一，另外一針係肺炎球菌疫苗。同BB去打針，對於好多媽咪嚟講，或者有一些Daddy，是一個心力交瘁的過程。有一個爛gag，打針點樣先唔痛？答就係...... 打落人哋度，自己咪唔痛囉！呢個IQ題好無聊。但BB打針，好多媽咪諗起都已經想喊，好心痛，仲痛過自己打！太太也是這一種。
記得BB兩個月大時去打針，未入去打，BB媽咪已經流曬眼淚，講唔到嘢！那我叫她在㚈面坐，不要入打針房。打咗一針，BB：「呀...！......嘩嘩嘩嘩....! 」打第二針，喊得更加淒厲！抱返BB出去，見到太太已滿面淚水（雖然見唔到，但聽到聲），那我立即上前説：「BB打完針，好健康，唔會咁易病病啦！」那太太就深呼吸，然後盡力笑返。
有了上次經驗，今次醒目，見完姑娘後，叫BB媽咪先落去藥房攞藥，攞完上來與我同BB會合。每次打完針，BB都有可能發燒，故攞定退燒藥。太太落咗藥房，我自己抱BB入打針房。BB兩個月大時，可能身體觸覺都沒有那麼成熟，打完針好快就收聲，但BB現在四個月大個囡咗，對於痛的感覺及記憶都強很多。臨打之前在想，不知今次BB會喊幾耐，痛幾耐.....還未想完，針已刺在BB大脾上，兩隻肥美的脾，每邊打一枝。BB即刻爆喊，喊得好可憐，我只好一路同BB講：「打完針，就好健康！」用正能量去鼓勵BB！BB足足喊咗兩分鐘。
BB差不多喊完，媽咪就從藥房回來，媽咪見到兩隻脾仔每邊都貼住棉花和膠布，立即上前呵返BB，錫返BB。媽咪去counter約下次打針時間，我就抱BB去窗台睇風景，BB見到街街咁多嘢睇，又即刻笑曬。見到BB咁開心，即刻影張相先！囡囡真叻叻，打完針咁快就笑返！
打完針，身體的immune system要同疫苗打仗，所以BB會好攰。在食我們lunch時，BB已經瞓咗......