https://www.facebook.com/babyandpapa/posts/261368924049204
打針 • 續
因為太太只請了半天假陪BB打針，打完針，就是但搵間茶記，食個午餐。在茶記，嗌咗嘢食，嘢食都未黎，BB已經攰到瞓咗。三爬兩撥，快快趣趣食完，跟着太太就上班，潮爸就返屋企。返到屋企，BB仲瞓緊，但已過了食奶時間（10am食奶，11am 打針appointment，1pm 從健康院走，1:30pm 返到屋企）相隔已3.5小時，要食下一餐。沖好奶，叫醒BB食奶。BB慢慢睜開眼，擘開嘴仔食。BB食得好慢，好似冇哂力咁，又肚餓又攰又眼瞓又無力啜。幾經艱辛終於食咗5安奶，就...快手快腳幫BB換衫抹身，之後BB就瞓著，不過講明打完針有可能發燒，要每小時check住temperature。
雖然瞓咗，everything seems fine，但夜晚11點BB終於發燒，燒到38.6度（36.8度為正常）！於是立即替BB在額頭仔貼散熱貼，餵4安奶及抹身代替沖涼。健康院給了退燒藥以及一個針筒仔，吸了2.5 mL在針筒來餵BB食藥。不過真的有D難度。大人都唔鍾意食藥水，何況BB？一放藥水入口即吐⋯⋯好不容易才食到2.5mL藥然後瞓，之後大概每小時量一次體溫，雖則話打疫苗後發燒是正常反應，但發燒始終可大可小，睇緊D穩陣D。
由朝到晚舟車勞頓，大家都好攰，幸好藥水有效，而囡囡又好乖冇因發燒而喪喊。緊張（話晒第一次），擔心（始終發燒有potential risk)，感恩地...... 有驚無險 到咗半夜三點，再量體溫，由38.6度降到37.5度再降至37度。那我確是可安心睡覺。但正想瞓，囡囡醒咗，肚仔餓要食奶，於是馬上沖多咗3安，一路喂，腦袋已經一片空白......餵完就大家一齊瞓，因為真係好攰！
第二天正直星期六，潮爸睡眼惺忪咁返工，weekend太太在家照顧BB。中午致電回家，太太話BB又燒返37.4度，食多兩次藥再抹兩次身，BB終於退曬燒，精靈返曬 笑吓影張相「chak chap」！
經過今次發燒戰役，潮爸和太太真係散曬...... 突然間，腦海浮現很多以往小時候，父母半夜抱住小朋友週圍搵醫生睇病的情景..... 現代湊B，對比起上一代，已經很幸福。真的要感恩!