https://www.facebook.com/babyandpapa/posts/262718883914208
換片片
BB未出世，身邊的人已很雀躍，常常提醒潮爸，BB出世後要餵奶同埋要換嗰啲嘢，咩係嗰啲野？朋友説：「呢，好污漕嗰啲呀！換片呀！」
好多男士聽見換片都會避而不談，或心諗：最好唔駛我換。BB剛出世時，便便是黑黑哋色（應該是好深好深嘅綠色，沒有仔細去深究過），之後就是綠綠哋色的。BB可能是半母乳半奶粉，不是每天都有便便，兩日到一次，有時一嚟嚟兩次。雖然不用天天換大片，但一嚟就好多，好大包！用Huggies 0號的日子裡，片片常常太滿，裝唔曬，漏到成身都喺！ 換片+抹身+...換衫，好大陣象！
初時有啲唔習慣，要帶上口罩、手套和使用大量乾+濕紙巾，個人FB有朋友留言叫潮爸：一張手去輕輕撫你的...... 到現在都要帶手套來換大片。之前陪太太去醫院聽講座，有個video喺講換片及姑娘親身示範點樣同個"公仔"換片，睇起嚟好似好容易，梗係易啦，個公仔係唔識郁！真實情況係BB對腳仔會踢吓踢吓，唔係咁容易。幸好每次換大片細片BB都好合作，可能BB自己都鍾意乾淨，luckily 好快就換完片而不至於整到"啲嘢"周圍都係。
而家換多咗，已成為熟手技工 ，因為專注，所以專業！換片時緊記先check吓有冇，check下仲係咪去緊，未去完等等先，等幾分鐘。更換時最緊要由前面抹去後面，唔好倒轉抹，唔好整到啲留在重要部位。Make sure 脾隙仔同背脊都抹乾淨，呢個時候唔好慳濕紙巾。抹乾淨後，鍾意的話可以搽返啲lotion。（潮爸通常等夜晚沖完涼先搽，視乎BB皮膚乾唔乾）換完片最緊要check 吓腰位及脾位貼唔貼服，片片size唔fit就要買第二隻牌子，或同一隻牌子轉Size。每個BB個Shape都唔同，有啲牌子腰位緊啲，有啲牌子浪位多啲，片片嘅選擇都幾緊要！漏到周圍到係嘅時候，又換床單又換被袋，那就不堪設想了。
有朋友share話她只用了兩包濕紙巾，因為他們BB兩三個月大，要去時就比signal 嗲哋媽咪，跟住就除咗BB條片片，抱入洗手間去，之後每次都是這樣。BB好叻叻
今日又換大片了，潮爸還是戴着手套，希望一切順利......