空氣污染
這個話題，在這十年八年，大家都會掛喺口邊，香港啲空氣唔好。傷風咳去睇醫生，醫生通常都話氣管敏感或上呼吸道感染。生BB，啲人都叫潮爸唔好帶囡囡出街，出面街多塵，多菌，空氣唔好。孭住BB去行百X匯或X澤，啲Sales見到潮爸+BB，就算專登唔同佢地有眼神交流，他們都會衝上前介紹買吸塵機、抽濕機、空氣清新機、風扇又有個甚麼甚麼除塵過濾網、還有甚麼Nanotechnology納米技術的東西...... 但潮爸其實係想睇咖啡機、廚房用品、相機，因為最近出咗枝Pro鏡。
有...些朋友會把自己的電話號碼比咗啲吸塵機直銷公司，上門吸床褥，除塵蟎，仲做埋空氣清新機，部機嘅拍打技術，可以吸到床褥裡面嘅細菌，死皮及致敏原（塵蟎），你有冇有時覺得想打噴嚏，鼻痕痕咁...... 最後臨走前就問你攞廿個親戚朋友電話，要同公司交代。無啦啦把自己朋友的電話給一個跟自己相識只有一小時的人，真有點不好意思吧！所以通常都婉拒他們，令他們知難之退。
有一次上網睇港台節目，睇到一個關於Prof. Hedley 嘅訪問。Prof. Hedley在香港做了30年空氣污染的研究，由30年前到現在，看見極漂亮的維多利亞港景色，一年比一年模糊，Hazy day 的日數一年比一年多，只能概嘆着......
潮爸覺得，在家中設置空氣清新機等，不是不好，但亦想，住得在這城市，環境都要我們去適應。我們又不能完全唔出街，巴士、私家車的廢氣避免唔到，所以帶住BB出街，一定會帶埋把扇（芭蕉扇），一來，用嚟幫BB遮太陽，二來，有巴士經過或私家車Idle Engine，就用扇盡量撥走啲廢氣，等BB唔好吸到咁多（順便撥埋自己）。有時行過一些餐廳門口，員又工好，客又人好，都會在門口食煙，在星期三、六或多寶獎金特別勁嗰日，經過投注站，門口又係企咗一班煙民，為咗盡量避免BB吸二手煙，這把芭蕉扇又大派用場！有時最過不了，很多時都避不了，就是坐小巴及坐的士，一坐上車就吸曬啲三手煙好彩只係坐短途，長途真係攪唔掂。
空氣污染問題，不斷咁困擾緊我哋，對我哋呢一代影響已經好大，好難想像怎樣影響下一代。 真係有冇辨法，搵到個Root cause，去解決/減少呢個問題?