https://www.facebook.com/babyandpapa/posts/265213100331453
Play Group
前兩日帶囡囡落街食飯，應該係話抱埋囡囡陪我哋食飯。去到餐廳要攞飛等位，間餐廳好Ok，平日去食晚飯大概都要等位。在門口企咗一陣，好焗+好熱，於是太太就企咗入去等位，有冷氣，等BB舒服啲。橫掂都要等，潮爸就入去惠X行吓，買啲生果及Yogurt，買完返嚟，見到另一個媽咪抱住個歳零嘅小朋友，同太太傾緊計。潮爸就上前打個招呼，原來是住附近的街坊。
她問：「你哋邊個湊？」
太太答道：「我地自己兩個湊。」
她興奮地回應：「自己湊小朋友乖好多㗎！」
太太問她：「咁你個小朋友邊個湊？」
她說：「我都想自己湊，但無奈要返工搵錢，weekday三日比婆婆湊，兩日比嫲嫲湊，所以而家雖然歳半認人嚟玩，但佢兩邊都跟。」
潮爸好奇地問：「你幫囝囝搵咗幼稚園未？」
她緊張地說：「未呀，好多幼稚園都要足兩歲先可以攞表，我諗住起碼報5間，多啲選擇。不過，你知唔知呀？唔好帶小朋友去Playgroup，第...一，學唔到英文；第二，反而學曬啲壞習慣返嚟！我個侄仔每個禮拜都係姐姐帶落去Playgroup，又打人，又搶人啲嘢玩......」
「三位埋邊！」waiter 呼喚我們的號碼，那我們Say bye！Nice to meet you。跟住就入去坐。
香港呢幾年開咗好多Playgroup，第一，因為有市場；第二，生一個，在家冇人陪小朋友玩；第三，有好多research 都話early education對將來學習有幫助，所以很多家長都幫小朋友報Playgroup，讓小朋友見下人，學習一下群體生活。潮爸都有朋友從外國回港開Playgroup，生意越做越好！那除咗朋友識做生意，可能在某程度上，都幫到某些小朋友，at least 帶下出外面玩下，學到幾多，就視乎個別小朋友的需要及家長的要求。Playgroup老闆都曾經說過，有些家長質問他，小朋友一星期落嚟玩兩個鐘，點解返到屋企唔識講英文？聽完其實都有點R頭？
潮爸一向都覺得，所有的東西在市場內，必定有其存在價值，視乎怎樣營運，target customers，收費，location等等...... 在小朋友這快速的學習階段，會從不同地方及人物（父母、親戚、朋友）、電視、電腦、internet 上學到各種事物，多到估都估唔到！但在小朋友仍然under父母Supervision的情況下，自己跟進返小朋友的壞習慣、attitude和禮貌，用家庭的正思維影響返佢，向內求而非向外求，那麼可能對小朋友更加有好處。