https://www.facebook.com/babyandpapa/posts/265516616967768
文憑試放榜
明天就是中學文憑試放榜，首先潮爸一家希望各位考生都拿到理想的成績，繼而入到心儀的大學及學系，在人生中繼續實踐夢想。在香港讀書，競爭極之大，我想香港人必定認同。想當年在中學年代，返學讀書尤如打仗，分秒必爭！做少份past paper都怕自己做唔夠，埋頭溫習溫到兩年沒有睇過電視，一有空檔或鋤notes鋤到攰，腦海一片空白嘅時候，就要即刻call friends飲嘢減壓...... 而家轉咗制度得一個文憑試，一戰定輸贏，戰況必定更加激烈！但無論如何，在你們的學生年代，你們永遠是最精彩的！
有小朋友之前潮爸及太太都諗，一生咗，就要不停向前衝，像進入一個時代巨輪，由幼稚園-->小學-->中學-->大學，淨係讀書的生涯，最少都二十二年，是一個多麼長的長途賽！而且在途中不但無得停，還要不斷去競爭...... 學如逆水行舟，不進則退，想起都不其然有少許壓力！但諗深一層，有適量的壓力都是好事...，讓自己都可以在與小朋友的成長過程中繼續學習！
香港競爭那麼大，除了香港人在本地不斷競爭，這幾年內地人來港讀書，外國留學生回流工作，父母擔心將來子女的前途都很容易理解。有的要子女十項全能，有的想子女贏在起跑線，有的費盡心思，無所不用其極都要令子女進入一條康莊大道，這苦心實是值得嘉許！有朋友在summer帶子女去跑好多間學校，頻頻樸樸，考評核試s，做interviews，大家都知而家interview唔單只in小朋友，仲要in埋個家長，聽落都戥他們辛苦。 第日帶囡囡報學校比人in都唔知會點？不過怎樣辛苦，最重要都要顧及子女感受，小朋友能承受的壓力有限，要做到恰到好處，都真的要向各媽咪級朋友學習。
記得十年前，有朋友生咗小朋友，小朋友都未夠三個月，已經話要開始儲錢，又要買定保險的「教育基金」，留待將來讀大學用。當年仍是單身貴族的我們，心諗：「駛唔駛咁誇張！」而家到自己有小朋友，潮爸都不太擔心，因為兒孫自有兒孫福，只要在各方面不斷努力，結果自然成！