https://www.facebook.com/babyandpapa/posts/265754080277355
幫BB沖涼
幫BB沖涼，有些人非常enjoy ，有些人每次卻一次一驚心！講得呢個題目，潮爸當然是前者。驚同BB沖涼嘅人，通常會諗，BB除曬衫，怕唔怕冷襯？於是而家咁嘅天氣，都熄曬全家啲冷氣、風扇同抽氣扇，等BB唔好吹襯，之後就裝盤好熱嘅水喺廳或者洗手間，焗到自己都出曬汗。然後開始幫BB沖涼。一路沖，BB一路喊，喊到個人亂曬，沖完就包毛巾抹身，搽曬Cream，着返片，着返曬衫，之後先開返個冷氣.....而自己就大汗叠細汗，抖過大氣，好似出街跑完步返嚟咁。其實潮爸覺得，無論任...何情況，雖則小朋友好fragile，大人都要顧咗自己先，好似飛機起飛前，影片都教導大人要先照顧自己，然後照顧小童；自己要攪掂自己，跟着才有能力去照顧別人。
幫BB沖涼，首先自己要覺得呢樣係一樣好玩嘅嘢，係同BB一齊玩。怕BB除曬衫凍襯，啲水熱啲又話熱襯，啲水凍啲又怕凍襯，水多又怕BB浸襯，有少少水滴咗落BB個嘴，又怕啲生水BB飲咗唔好，有少少水滴咗落耳仔，又怕啲水塞住隻耳仔，啲「驚」又嚟！
潮爸淨係會諗，沖涼係要乾淨+好玩！開水時用手踭試兩次水溫，開完水（攪勻啲水）左手試完，臨沖之前（攪勻啲水）右手試多次，因為用自己的感覺去試，冷與熱的溫度只是一種對比。就像中學年代的科學堂做實驗，先將手放在冰，然後將同一隻手放在室溫水，就會覺得室溫水係暖。唔好比自己隻手踭試水試到有這種對待，左，右各試一次比較安全。如果真的想再小心啲就用溫度計，但可能冇咩人會咁做。
之前幫囡囡沖涼，都不停喊得好勁，可能缺乏安全感，或唔識控制時間，喺BB肚餓or眼瞓嘅時間同佢沖涼。控制好時間，但都係喊..... 講明潮爸，必定用「潮」嘅方法，就係開盤水+用花灑同囡囡沖涼。開盤水，用個安全網等BB唔會跣嚟跣去（搽咗沐浴露都唔怕跣，因為跣嚟跣去，BB會好驚！），搽完沐浴露就用花灑沖身。花灑頭啲水唔好太猛，比BB望吓花灑先，比定心理準備佢，另外，花灑剛剛開通常都先出喉裡面啲凍水，跟住先慢慢熱，make sure的水暖暖哋先淋落BB度，如果唔係BB就會驚咗個花灑，或者更加驚水！
另外，因為開咗盤水，一路開花灑要一路漏水，唔好令到水位太高浸到BB隻耳仔。BB而家成日伸脷同玩口水，有啲水滴咗喺嘴仔度都在所難免，但這應該不是問題。沖完就即刻用毛巾包住，快手快腳抹身，搽cream，整個過程keep住開心，同佢講沖涼好好玩，去玩水，那BB應該會好Enjoy。
而家囡囡勁鍾意沖涼，唔驚花灑，識伸隻腳仔去玩花灑啲水；潮爸又feel到佢覺得好好玩，一除衫仔話沖涼就尖叫！從細節中，將複雜的問題簡單化，生活必定更精彩！