https://www.facebook.com/babyandpapa/posts/266351566884273
洗頭
前兩日講咗沖涼，太太問點解唔講埋洗頭？
幫BB洗頭都算係一種挑戰！記得BB初初出世，由於天氣凍的關係，每日都淨係抹身同抹頭。偶爾有一兩日有十幾度先會洗頭。BB一出世就好多頭髮（潮爸同太太都好認同因為產前多吃自家製芝麻糊，所以囡囡出世先有咁多頭髮），浄係抹頭都唔掂，一定要洗頭！
...
最初未用沖涼嘅安全網，幫BB沖完涼，就好似卷豬腸粉咁用條毛巾卷住BB，然後凸個頭仔出少少，跟住坐喺盤的旁邊，將水逐啲逐啲撥上個頭仔，跟住搽梘，再慢慢過水。第一次幫囡囡洗頭，外母都在場幫手，佢擔心我哋啲後生攪唔掂！洗完之後，囡囡冇喊，圓滿！ 外母問潮爸點解識幫BB洗頭？好少男人識幫BB沖涼洗頭......
話說第一次同太太去聽產前講座，講點樣幫BB換片、洗頭、沖涼、怎樣用毛巾包BB、處理產前及產後抑鬱症等等。那天不只潮爸，還有頗多準爸爸陪愛妻去聽講座。之後激發潮爸上YouTube 睇咗好多條片係關於怎樣幫BB洗頭，之後囡囡出世，先真係搵囡囡嚟做白老鼠，用YouTube提供的方法，結果第一次「成功」！
潮爸覺得YouTube video clips 教的方法很有效，很生活化。第一次成功之後，潮爸信心大增，繼續用同一個方法去幫囡囡洗頭，到熟能生巧後，就再嘗試其他方法，但都係覺得第一次用嗰個最好。
自從用咗安全網之後，洗頭沖涼一次過做曬，洗緊頭嗰陣，囡囡自己玩水。然後用濕毛巾撥水淋幾次，最後用花灑過多次水，那就乾淨曬！啲頭髮一條一條，好得意（附圖）。抹完身，搽咗cream，着咗片片衫仔之後，囡囡就爬喺度，潮爸就用一個更「潮」嘅方法，就係同囡囡吹頭。從小就聽老人家話用風筒吹頭會入風，不知是否因為那個年代用風筒太新潮？但潮爸覺得，個頭唔乾噏住可能仲大問題。於是從比較遠嘅距離，用少少暖風幫囡囡吹頭。第一，囡囡聽到風筒聲即刻定曬，如果喊緊都會即刻收聲，好enjoy咁吹頭；第二，囡囡啲頭髮好幼，有水就黐埋一舊舊，用乾毛巾抹極都抹唔乾，用風筒唔駛一分鐘就乾。
小心其實必定駛得萬年船，穩中求變，方為上策。