https://www.facebook.com/babyandpapa/posts/266701866849243
家務
自從請姐姐普及化之後，好多人都唔駛做家務。所以「家務」這個字，對於現代人來說，其實都幾敏感。 尤其對新婚夫婦來説，置頭家，已經洗唔少，之前影結婚相、擺酒、比禮金（男家）、Honeymoon.....一百幾十樣嘢，啲錢好似倒水咁，再請姐姐幫手做家務，未回到氣，通常都唔請住，家務都要自己做返。加上新婚兩小無猜，趕客都要二人世界，好浪漫咁喺屋企玩煮飯仔。但玩下玩下，淨係洗碗都可能攪唔掂......
曾經有一次同friend討論做家務這個問題，她說，仔女都大，想唔請姐姐慳...啲，但一唔請，所有嘢都要自己做返曬，好辛苦！ 潮爸鼓勵她做家務要嘗試及學習去enjoy做，當一個遊戲，不過都明白，「你估講咁易咩！」就係知道唔易，要將做家務變成一種習慣。很多人都美其名：「唉！做家務咪當做運動囉！」曾經在網上閱讀一篇文章，文章說：「喜歡做的叫運動，被迫做的叫勞動！」This is quite true.
潮爸不嬲啲家務都自己做，不過又唔係偉大到樣樣都做。潮爸會揀幾樣自己鍾意做的，然後就買一些方便及「潮」的清潔用品，貴少少啲唔緊要，最緊要好用同令自己Enjoy做。就好似有啲人鍾意煮嘢食，幾千蚊都捨得洗，買套「咩人牌」嘅刀，買好多好Pro好精美的廚具，一來好用，二來煮得開心啲。而潮爸就鍾意用陶瓷刀。潮爸洗碗Ok及鍾意試新嘢，差不多試曬咁多隻牌子嘅洗潔精；掃地，屋企冇掃把，潮爸用無印MXJI嘅除塵掃；雪櫃買部細啲，唔駛載咁多無謂嘢，易啲清潔；風扇買啲安全+設計易拆開嚟清洗的，拆十幾粒螺絲都開唔到個cover嗰啲唔好諗.... 呢啲嘢一啲都唔C9，其實好Technical。去幫襯百X滙，啲Sales都勁Sales光波爐，潮爸每次都問佢哋點洗，冇一個識，去到總公司，要搵個「Engineer」先識，but technically，唔係好衛生。有咗BB後，就洗埋奶樽及烚奶器。
咁太太喺咪唔駛做？當然唔係，太太都揀咗兩樣自己好"耍家"嘅嚟做，就係洗衫+換床單。太太好enjoy洗衫同涼衫，話好鍾意啲衣物柔順劑嘅香味，到現在洗埋BB啲衫，就去揀隻靚嘅BB洗衣液。但最重要嘅係，潮爸買咗個$4XX 嘅涼衫架，勁輕，勁方便（重嗰啲涼衫架，太太根本都攞唔起；涼出街，唔方便+危險）。另外太太鍾意換"床單"及"被舖"，換完成間房新的一樣！
還有其他簡單的家務，不能盡錄。而隔個星期，會請鐘點幫下手，做全屋其餘的清潔。所以有咗BB，都冇話「拿手唔成勢」。
置一個家庭實是不容易，分工合作，嘗試去體昧其箇中樂趣。