我唔阻你啦
囡囡而家5個月大，食差不多5-6oz 奶，一直間歇性咁向「男人的耐性」挑戰！間歇性的原因是有時習習聲2分鐘食曬5oz，有時又食成10分鐘。幸好一日餵6次，有3、4次都好快手，如果唔係，潮爸應該已經爆咗煲！
成日都食咁耐，有咩辨法可以令BB食得快啲？潮爸見有啲人餵奶，一路餵，一路同BB傾計，唔知係咪訓練BB multitasking，一路聽，一路食。但BB越大，distraction 就越多，一路食，一路拍腳，一路玩腳趾，又玩手，又望住潮爸定曬+停曬個嘴唔郁。現...在潮爸餵BB，盡量都放喺床仔或Sitting Balance度，固定這兩個地方，餵奶前同BB講：「我唔阻你啦！」，跟住食奶時唔同BB講嘢，唔望住BB，等BB集中精神。這個方法都Ok，按捺自己唔好講咁多嘢之餘，BB又食快咗。有啲人話平放喺床仔餵，會唔會吞得冇咁好或驚BB嘔奶？食道有強制的蠕動將食物推向個胃，所以問題不大，而且實驗亦証明囡囡5個月都只係嘔過一次奶，而那次是因為餵完後玩得大劇烈。BB生理上有調節的能力，盡量減少外來干擾，BB食得快啲，又幫BB養成好習慣，而自己又輕鬆啲，一舉三得。
Weekend太太在家，泵奶，睇書都在房間，諗住一路做自己嘢，一路睇住BB。BB瞓緊未醒都無乜嘢，但醒咗，見有人喺房就一路都唔瞓，所以成日由朝嗌到晚。問潮爸BB平時有冇成日嘈？那潮爸覺得是因為有大人喺房，阻住BB瞓覺。那太太就轉陣去隔離房泵奶及在廳睇書，唔好成日對住BB，隔10-15分鐘望一望，結果效果好咗好多。其實BB可能生理需要比較簡單，只有食、瞓、同玩。有時BB勁扭計，好可能係大人阻住小朋友食同瞓。
試下放開一點，從旁觀察，不要zoom太埋，big picture 就自然出返嚟！