https://www.facebook.com/babyandpapa/posts/267110710141692
生活方式
記得有位朋友，在潮爸結完婚後的一次聚會問潮爸：「我以為你唔會結婚添！」潮爸笑道：「啊！結婚係一件開心的事情，要睇天時、地利、人和啫。」結咗婚，生活的方式會轉變，男的怕「成個老襯，婚後從此被困」；女的怕成為「黃面婆」，要返工，洗衫煮飯做曬啲家頭細務。在這麼潮的年代，在這高科技的年代，唔知仲有幾多人係咁諗？
婚後多了一個家庭及有很多外家的gatherings要參與，事實又真係唔可以好似以前單身咁，鍾意出嚟就出，九點收Call，十點就已經喺旺角食緊甜品。潮爸都會間中攜眷出席朋友gatherings，偶爾無攜眷 （太太有gals talk），朋友就會以為夫妻嗌交，好攪笑。對潮爸來說，婚後的生活方式其實改變不大，只係身邊的人卻覺得marriage life有好大變化。
太太懷孕後，開始覺得生活上有少少變化，平日的一舉一動，好自然地關注多咗，飲食習慣改咗，作息時間改咗。另外，亦要...忙着準備迎接BB出世，真是忙得不可開交。
在生咗囡囡之後，曾經有一班單身的Diamond Yellow Old 5 的朋友對潮爸說：「我哋出嚟飲嘢，有家室嘅，湊仔嘅，唔啱嘅喎！」其實相識那麼多年，有家室=唔出得嚟飲嘢？唔明..... 有時squeeze小小時間出嚟聚吓，但人家會幫忙諗埋婚後嘅生活方式，又或者有好多人慣性地及有苦衷地困住自己。是時代的變遷，沒有將人帶到這年代？又或是身處文化熔爐中，人在江湖，身不由己？或是在這時代巨輪中，被滾得喘不過氣，無法自拔？或是單身貴族對社會不平等的控訴？
現在有很多人唔結婚，結咗婚唔生。有些人問潮爸如果結婚及生孩子，對生活方式改變有多大，答案是「很大」，但應該是那一種，小學生想升中學的渴望；轉新工，期望有機會大展拳腳的勇毅...... 不必想得那麼無奈罷，對不知明的未來，帶少許嘗試的新鮮感，或許人生本來就是如此有趣！
PS：潮爸放一星期暑假，希望各讀者繼續細味/回味潮爸為大家寫的「潮爸湊b日誌」，多謝支持！