https://www.facebook.com/babyandpapa/posts/269557166563713
請姐姐 or not 請姐姐
這個問題可能是超後現代社會，特別在香港，一個極度深奧及矛盾的問題。能完美去解答的，一定能成為一份博士論文。
從計劃生小孩開始，潮爸跟太太都討論及研究這個問題好多次，"interview"咗不計其數的親戚及朋友，有的說一定要請，有的說一定不要請。
以前都是一些比較富裕的家庭才請得起姐姐，姐姐人工與家庭收入比例，可能大概1/8 or 1/10，香港經濟起飛，起飛，再起飛後，姐姐人工與家庭收入比例，可能係1/15 or 1/20甚至1/50。
請姐姐，當然有好處！姐姐基本做曬自己唔做嘅嘢，例如：洗衫、買餸、煮飯、清潔、照顧BB，接送小朋友返放學及返放課外活動（學琴、游水、打功夫、打鼓、畫畫、跳舞、體操、踢足球、劍擊、補習......諗得到幾多都有）照顧長者一般起居飲食、陪長者到公園晨運及覆診...... 超後現代人（我們）返一份工已經疲於奔命，加上返工壓...力大得爆煲（一半人工係for工作，一半人工係for受氣)，如果再handle埋以上種種，真係攪唔掂！請姐姐，對很多人來說，其實是一種極速減壓的方法！
而家的姐姐是否沒有以前那麼勤奮，這個不知道？但好多朋友都話啲姐姐而家好似唔休做，踢一踢，郁一郁，有啲直程踢都唔郁，請個姐姐返嚟，一係溝通唔到，一係乜都唔識，一係就乜都唔做，請咗等於無請，仲要供給其起居飲食，照顧埋佢！每每逆你意，扮聽唔明廣東話and英文，壓力又大到頂點，比佢激餐懵後，送咗佢去遊埠，自己才落得一點清靜.....
「四吃」中，能「吃氣」真一點也不簡單！
唔請姐姐，另一個最折衷的方法就是BB的爺爺嫲嫲or 公公婆婆湊。自己放心啲：第一，自己個孫，點都錫；第二，他們有經驗，話曬湊大自己或幾個；第三，方便，每日湊返BB就順便食埋飯，一舉幾得。如果grandparents好鍾意湊，婚後就勁催生那種，都還算好，但必須想想長輩的精神及體力能否應付，大家都能collaborate 到就最好。若有一方面像吃虧似的，那必須三思三思。這情況其實通常都潛在一個問題，就是怎樣教育小朋友？做父母，必定想自己去教小朋友，有紀律，有禮貌，讀好書，生活有規律....... 用望子成龍望女成鳳也絕不過時。但長輩的隔代看法通常都不一樣，自己個孫，十居其九都錫+縱（應該咁講，長輩叫「錫」，父母recognize為「縱」）。選擇比長輩湊，為免傷和氣，父母唯有更努力去在有限的時間⌚️，去把孩子的壞習慣修正。
做得潮爸，梗係冇請姐姐，亦冇比長輩湊，今日講住咁多先，明天繼續。