https://www.facebook.com/babyandpapa/posts/270464933139603
Missing appointments
做咗潮爸之後，好多嘢唔同咗，除咗每日都多咗好多嘢做之外，另外有種分身乏術的感覺。
潮爸唔係坐唔定，但又唔係唔鍾意周圍走的人，總之，靜極又動，動極又靜。坐得喺屋企耐，就會出去行下。間中約自己啲friends，太太啲friends，及朋友啲friends，聚吓，傾吓講吓Update吓。加上大家都想見下BB，叫做一齊出嚟gather下！
而家囡囡仍然是Mixed feeding，唔係每日有，又係一嚟就好大包。好不幸運地，差不多每次有，就滿到瀉 or 漏到周圍都係！從脾隙及腰間流出，唔係滲出，係真係好似密實袋未封實咁流出！有時成個脾，有時成條腰，有時成個背脊！如果從脾仔流出，成張Baby Sitting Balance 就會濕曬，如果在其他地方流出，被仔就會有一達深綠色嘅印.......而件衫，當然要即刻換然後擺去浸住幾個鐘，等啲色甩咁啲，先同其...他衫一齊洗。所以在《換片片》那一篇，請大家祝潮爸「一切順利」！
有兩次，本來約了出去，當差不多7:30pm，準備好曬重裝甲要出門口之際，突然有一陣好濃烈嘅味道撲鼻，然後發現件衫度有個深綠色嘅Spot！那大家都知咩事，就係要換大包片片!
照一切慣常，鋪好墊，攝好紙巾，check下濕紙巾夠唔夠，唔夠即刻開定包新（因為成身都係，可能要用上十張以上嘅濕紙巾），戴手套（已無時間戴口罩），趕頭趕命，希望快快趣趣攪掂出門口！雖然技巧純熟，但都無法控制那深綠色，半固體半液體物質的流動方向，潮爸只能夠做的就是用濕紙巾阻止其擴散...... 經一輪苦戰後，一切都尚算平靜落嚟，但再聞吓BB...... 唔掂！那馬上開盤水同BB沖涼。沖完涼，乾淨+靚靚，再準備出門口的時候，看看電話上的時間，原來已經差不多8:30pm，出到去會差不多9:15pm or 9:30pm。那潮爸就很不好意思地，致電取消appointment。
究竟是潮爸安排不周 or 塞翁失馬，潮爸不敢定論，總之要再作檢討。只希望唔好再有missIng appointment 及唔好有機會在街上換大包片片就好了。