https://www.facebook.com/babyandpapa/posts/272304512955645
潮爸剛趕完Project，心力透支頹咗兩日.....今日終於恢復原氣，繼續日誌
尋人
（未生之前發生）繼請or 唔請姐姐嘅struggle後，其實仲有好多嘢要諗。 唔請姐姐，唔勞煩長輩，咁點算呢？BB始終都要人睇住。於是潮爸就call咗保良局，香港婦女會等，睇下有冇社區或私人托兒服務。好多都冇，有的都只收兩歲或以上。保良局有兩個centers收0至兩歲，但waiting list最少wait 九個月至一年。潮爸同保良局人員講：「總之一有咗就打嚟留位啦。」
保良局，一日睇10個鐘，8:30am 至6:30pm，最遲7pm鬆啲要接走，好似包食同包尿片，仲會有人教BB嘢（大個啲），收四千多少少。每逢潮爸同朋友講呢樣嘢，朋友第一句就會話，咁請姐姐抵啲喎！保良局照登記，但排到都應該唔會去，因為已決定自己湊。另外7pm前接走好趕，schedule 都應該make唔到。
決定在自己湊之後，那都...要找backup，因為潮爸還有很多事情在忙，不是一下子可以安排到，於是上網搵咗好多請鐘點的資料，call咗好多間問價及schedule，好多鐘點又係好似唔休做咁，有工都冇人做。雖然接電話個agent勁sell請鐘點好過請姐姐，並猛數請姐姐的缺點及潛伏嘅危機！Agent即刻去搵人，搵到但又未必得閒，一講價，即刻話唔嚟，住喺附近，行路都到，都唔嚟。那潮爸覺得請鐘點恐防唔穩定，於是請朋友介紹。皇天不負有心人，有朋友介紹鐘點幫忙，在這轉折期內拯救潮爸，非常感恩！
（特別嗚謝陳太及黎太！）
人和事都安排好，最後就是錢的問題！潮爸同朋友講自己full-time湊，朋友第一句一定係：「嘩！你自己湊，咪搵少好多？」無辨法，但只是知道自己湊，太太安心啲，BB會好啲，如果搵少咗=少咗個人享受，那或多或少，都必須放下。開源就努力開源，節流就盡量節流，要極速轉營！正所謂「絕處可以逢生」，何況這不是絕處，而且是百年難得一次的機遇，如果能夠達至三贏，何樂而不為？