https://www.facebook.com/babyandpapa/posts/275198449332918
剪臍帶 • 續
從產房望出去外面，雖然有無敵靚景，但都沒有心情去欣賞。在十多小時的等候過程中，潮爸都盡量保持冷靜及做好一切心理準備，雖則後現代社會科技發達，醫療設備齊全，專業人士around，但仍有一些潛在風險，不能不做好面對環境變化的準備。
生產
...
原來要等...等...等... 在密室等十幾個鐘，時間唔知算唔算長？有啲人話等三十幾個鐘都係咁等。BB想幾時出嚟？想點樣出嚟？真係到時先知！
醫生整穿曬個羊膜，啲羊水不斷咁流出，助產士就不斷用床墊（自己買去醫院嗰啲）係咁抹。潮爸只能做的，仍然是從旁幫太太數rhythm:「吸氣.......呼氣.......吸氣.......呼氣......」潮爸的心情越來越緊張，因為BB應該就快出嚟。見到太太好疲倦的躺在床上，每次contraction都痛得好辛苦，有時痛到都唔記得吸笑氣，亦無力用手按住笑氣罩，等呼曬才放開，之前一路practice用笑氣罩的方法完全亂曬。潮爸心諗：「餓咗十多個鐘，仲有冇力生架？」但又諗：「女性的身體是設計用來生產，而個個都係咁生，應該得掛？」潮爸只能做的，就是鼓勵太太忍耐，好快攪掂，好快就可以「出去行街睇戲食飯飲嘢！」
有時儀器check到太太的心跳加速，助產士就走上前叫太太：「唔好咁緊張」、「唔好咁緊張」、同埋「唔好咁緊張」，其實呢啲情況點會唔緊張。潮爸與太太入咗產房之後，有好多未來得切回覆的親戚朋友，都必定會以為我哋失蹤咗。潮爸就叫太太：「唔駛擔心㗎，好多人都喺外面祝福我哋，比好多正能量我哋，大家都好期待BB出世㗎！」太太在意識完全清醒下，乏力地回以微笑，然後又繼續用抽搐的面容及乾涸的唇舌，去抵抗那contraction帶來的痛楚。
見證著生產的痛苦、無奈、無助、期待、驚怕、驚喜、間歇的忐忑、腦海一片空白、腦海滿有疑惑、心力重組，疲倦後內在的能量backup、心理上及生理上的不穩定變化，突然間徹底明瞭到甚麼叫「百感交集」！在慌亂之際，醫生再入嚟Check吓下面開咗幾多度......發現就算再加更多催生藥，都未必能開到10度讓BB順產。醫院其實都做慣做熟，醫生即刻話：「要即刻開刀！因為由穿羊水到現在，已超過24小時！」講，真係好容易，本來一直想着順產的太太，都未即時接受到，雖然潮爸已有心理準備，但要在幾秒內做這決定，真係極度困難！見太太神色都未定，於是潮爸就叫醫生比2分鐘商量一下。在商量期間，已有十多個醫護人員入到產房執拾及準備，麻醉科醫生已走上前叫太太簽名...... 太太問潮爸：「真係要即刻簽呀？真係要即刻簽呀？真係要即刻簽呀？」那潮爸就問：「開刀要幾耐？」他們說：「20-30分鐘。」那潮爸就同太太講：「半個鐘後就見到BB啦！」太太簽咗之後，要換另外一件衫去手術室，潮爸見到太太本來脹脹的肚都已凹曬，因為羊水已漏了很多出來，而隔着肚皮，隱約看到BB的形狀......潮爸心想，BB真係唔能夠再留在肚內，一定要盡快出世！那潮爸就出去外面等......
吓！咁唔係要剪臍帶咩？醫院policy，順產或預早安排的手術，爸爸才可以剪臍帶。而這Induction Failed 催生不成功之後的開刀，叫做Emergency手術，爸爸冇得入去手術室。那潮爸與剪臍帶無緣，只有步履蹣跚地走出產房，默默地坐在Hallway等待着......
在這20-30分鐘，潮爸冇手心出汗，亦冇心跳加速，亦冇精神透支，只有不停深呼吸，望着電話時鐘的一分一秒，期待着...... 22分鐘後：母女平安！