https://www.facebook.com/babyandpapa/posts/276923249160438
男人的「怯」
男人在很多人的心目中，打不死、流血不流淚、堅強、硬淨、保護女性、乜都得、唔會「怯」。聽過很多女仔串過自己男朋友唔Man，唔gentlemen、唔夠體貼......餘下請大家補充。姑且勿論女仔怎樣形容男仔，其實因為這個Stereotype的問題，就算男仔自己都唔想喺女仔面前show自己軟弱嘅一面。潮爸都秉承咗呢個傳統，但早期已研究stereotype的問題，可以藉《潮爸湊b日誌》，講下男人的「怯」。
其實男人的怯好多，多到數唔到，不過為了身邊嘅人，唔撐住都唔得，撐下撐下，就習慣咗。人生經驗或者歷練，都是在苦中求！早前好多人share發哥做嘉賓嘅一個show，發哥叫現代的年青人「多吃點苦」！人生或許苦多於樂，不如意的事十常八九，大家都在等待苦盡甘來！在受苦的過程中，必定會怯，能不能駕馭這怯，就要看其alertness及sensitivity......
自從太太有咗，有好多...事情都會比較小心，第一，當然是想一切順順利利，BB順利出世；第二，就是預料到很多人尤其是女性及長輩等，都會突然成為專業顧問，你一言我一語咁，開很多傳統思維及育嬰之道的課程，而每個課程都係一定要上，冇得走堂，冇得遲到，隨時上課。大家可以imagine一下，如果學校有啲咁嘅類型嘅課程，真係幾驚！ 當太太有咗大約五個月，開始見肚嘅時候，潮爸開始怯，開始唔敢跟女性及長輩講嘢，因為無論自己講甚麼關於大肚，關於生孩子，你係男人，就一定錯！無論睇幾多書，講得幾頭頭是道，永遠都唔會啱！幸好潮爸之前都遇過，有啲類似野蠻女友嘅女仔，對應付這些情況都略有經驗，但這跨代溝通，都真的十分interesting + challenging！
好多人都話大肚唔好食富有柿（不知有沒有根據及理據從何來？），有一次潮爸與太太到生果店看生果，是「看」生果，潮爸「望下」啲富有柿，老闆娘即刻大聲喝道：「仲食呢啲！！」那潮爸客氣答道：「我買比自己食。」老闆娘好像知道自己太衝動，收了點火說：「咁都係呀嗎！」呢句背後含意應該好深，留給大家一些想像空間吧...... 另外有一次，有長輩級探望懷孕七個月的太太，潮爸剛剛執緊雪櫃，擺咗包南棗出嚟，長輩級見到反應好大：「大肚唔食得南棗，只可以食紅棗㗎咋！！」潮爸只能做的，就只有微笑+嘆氣+吞口水+滴汗......
太太可能是樂天派及懷孕後也忙於工作，生理上都沒有太大變化。可能在懷孕早期，潮爸整咗好多酸薑比太太做snacks及西式沙律加黑醋，Thx Thx 無話嘔到七彩嗰種。無驚無險等見紅，見紅就要入醫院。懷孕九個月兩星期，「怯」的感覺又開始嚟！腦海成日有個message，就係BB隨時生得。那兩個星期，都好緊張，晚晚都remind太太：「見紅就即刻出聲，隨時飛的去醫院。」睇電視/電影，啲媽咪穿羊水，就會流到周圍都係！（亦有朋友真實是這樣經歷）在走佬袋上面，總是要放定塊大毛巾，預備穿羊水時包住，唔好整到成部的士都係。預產期前三天有appointment去睇私家醫生，醫生話羊膜已穿咗，羊水好少好少咁滲緊出嚟，真係嚇了一跳！於是好緊張咁通知曬屋企人，之後就陪太太去食個大餐（因為入到醫院可能即刻生產冇得食），太太沐浴更衣之後，就去醫院直入產房。
男人的遺傳基因實在讓潮爸將「怯」隱藏得太好了！太太是第一胎，加上個BB係喺佢個肚度，其實理解到太太都好「怯」，大家都「怯」唔掂嘅喎！心靈上有很多的「怯」，筆墨真的難以形容，怪不得現代男人也有那麼多「產前恐懼症」！幸好早前所有事情都準備就緒，才不至方寸大亂！
生產前後還有很多不為人知的「怯」，所以後現代社會裡，男士的「產前恐懼症」真的不能忽視。