https://www.facebook.com/babyandpapa/posts/278418902344206
男人的角色
一百個男仔有九十九個，都會玩過RPG （角色扮演嘅遊戲）。在電腦內，我們操控着我們喜愛的角色，四周尋寶、打怪獸、打壞人、攞寶物、換胄甲、升呢打大佬！Joystick or Joypad 愛不釋手，過唔到關誓不罷休！對於打機，男人係好Man！所以有時係好難怪男仔打機，如果想男仔唔打機，要搵到第二樣嘢同佢交換，而又令佢覺得佢做咗嗰樣嘢佢會好Man！
男女之間：
約出街，男仔做主動；拍拖，男仔比錢；情人節，男仔送花；燭光晚餐，男仔訂定枱；買鑽石介指求婚，男仔要偷偷哋攞咗女仔個ring size去買，然後十派及滿有驚喜地送，女仔就掩曬嘴，眼淚凝匡咁點曬頭...... 在結婚前男與女的角色都分得很清楚，男仔就係主動，女仔就係被動。以前係咁，其實而家好多情況都差不多。
結婚後，在男女不平等的年代，男與女的角色相當清晰。男人出去搵錢，女人係屋企做賢內助。男人係一家之主，女人相夫教子...，做其背後的女人。現代男人在家庭的角色越來越模糊，兩個都搵錢，公一份婆一份，financially平等咗，財政獨立咗。就這一部分的變化，就打破了上述的傳統。唔係唯一出去搵錢嗰個，咁男人在家庭嘅角色是甚麼？如果搵得少過另一半，男人的角色又是甚麼？潮爸都好想去家計會，聽下一些專業嘅睇法。
其實潮爸覺得，從古至今，都係一個「願」打，一個「願」捱，唔願意就乜都冇得講。現代男人要願意放下，傳統文化帶來不知名的優越感；女人就願意接受男女平等後，男女角色之間改變的真相。現代女性可能在ask for男女平等之餘，at the same time又ask for 男人的優越；而現代男性，又被困在優越越趨平等嘅現實。在一夫一妻制度下，加埋男女平等，可能是前所未有的公平。最鍾意陳百強「等」裡面嘅幾句歌詞：「莫道你在選擇人，人亦能選擇你，公平......」
想男人的角色在現代家庭stay firm，好似玩RPG咁，在家庭中扮演着一個完美的角色，有幾個points可以跟大家分享下：
1. 當然係好似潮爸咁湊B
2. 夫婦要分工合作，攪掂家務（回顧《家務》篇）
3. 新婚生活與慣常生活不要分別太大
4. 接受身分及時代變化，少啲complain
5. 繼續找+發展共同興趣
6. 生咗要令BB融入原有家庭生活
7. 各人有私人空間及提升減壓能力
8. 傳統啲就相敬如賓，客氣啲就互勉互勵，潮啲嘅就大家十卜十卜！
在潮爸及太太的朋友群中，發現很多現代夫婦的典範。以上8點，潮爸何德何能寫到咁多嘢出嚟？又有何資格去比意見？實際上，都只是潮爸歸納各夫婦的優點，而得出的結果。Points其實是其次，日日新，苟日新，能持之而恆，就歷久常新。