https://www.facebook.com/babyandpapa/posts/279557278897035
男人的浪漫
好多人聽到呢個題目，都會不其然想到花、燭光、晚餐、山頂、睇星、流星、沙灘、月光、禮物......等等但其實以上種種都只是女人的浪漫，男人為咗追得美人歸，而做嘅種種來氹另一半的技倆，希望讓女孩子留個好印象或睇下tune唔tune到channel而已。
有一次在Facebook看到有位朋友自拍，post咗張相係幾個Friends去睇Transformers，而名為「男人的浪漫」，潮爸絕對贊同！另外早前世界盃，有個朋友post話有個女仔friend同自己睇世界盃...，一齊尖叫，一齊研究足球戰術，一齊鬧啲球證，好難得！「男人的浪漫」就是好簡單到，同一班Friends睇下波，出去睇場卡通片，睇套好型嘅卡通片，就已經係！細個同班friend砌Lego、玩超合金、砌BB Gundam；中學玩下四驅車、搖控車、打下波；出嚟做嘢就放工聚下舊，飲下嘢，仲有精神嘅都會打下波，踩下車...... 就感到很滿足！「男人的浪漫」就是如此這般的簡單！
做咗潮爸之後，真係少咗好多男人的浪漫。每每遇到gathering的機會，都要不斷在盤算盤算，如果出咗去，搵邊個睇BB？同啲媽咪級講，佢哋就會"潤"潮爸：「湊女啦，仲諗咁多嘢！」一向潮爸都唔太覺得有BB = 冇曬自己生活，重點係arrangement。不過在很多limitations的情況底下，潮爸miss咗無數套Movies及好多個Shows。每次行過通利，見到人排曬長龍，潮爸嘆道：「唉！又miss咗......」 到目前為止，軟硬、黃子華、鄭秀文、.....其實潮爸可以晨早落去撲飛或請朋友代辦，但都因schedule不太flexible而卻步。Whatsapp有個小學同學group，大家都在討論買飛睇演唱會事宜，潮爸都不好意思participate。
早前，可能囡囡未慣，潮爸請姑媽來睇住BB同埋同BB玩，而潮爸及太太就出咗去四粒鐘睇Spider-Man及買餸。結果返到屋企，見到囡囡悶悶不樂...... 就知道其實BB嘅instinct乜都知，只是表達唔到。之後潮爸就醒目，早兩日同BB講聲，爹爹媽媽邊日邊日有咩做，邊日邊日要去玩，邊日邊日幾點有gatherings。那出完去返屋企，囡囡見潮爸或者太太返嚟都會笑曬！
有時只是一句說話，一個簡單的安排，全世界都會很幸福。囡囡不斷快速成長，潮爸也要加快步伐，catch up with everything fast! DASH‼