https://www.facebook.com/babyandpapa/posts/280729345446495
男人的幸福
「幸福」這個詞語的含意很深及很廣。男人覺得有家庭、有事業、有班Friend就叫做幸福；女人覺得有個好老闆、有個錫自己嘅老公、事業家庭平衡、有多餘錢去下旅行、有私己錢買下手袋、間中有人送下鑽戒（大細唔緊要，最緊要有囉）、得閒約下朋友high-tea......就已經很幸福。 後生捱過嘅就覺得平淡生活已很幸福，仕途失意過的就覺得有份好工已經很安慰，情場滿有失意的就覺得身邊有個Ok嘅伴已經滿足，而生命裡沒有高低起跌的就身在福中不知福。
早前幫囡囡去銀行開戶口，等咗個...幾兩個鐘，囡囡都冇扭計，仲Ee Ee Er Er周圍撩人玩。到Counter入錢時，那個Teller（男）問BB邊個湊，湊爸話自己湊。Teller 叔叔即刻話：「嘩！呢個簡直係男人的幸福呀！」接着道：「我個女而家兩歲，我都好想自己湊，奈何要返呢度。搵到份Weekend工我都轉返自己湊！」跟着就講下幼稚園啲嘢。
上星期收到一個e-mail，是港大心理學系一位Dr. 發出的，他們正在做一項初生嬰兒的Parenting 對baby成長的影響。Research Assistant (RA) 上門做一份問卷以及觀察媽咪怎樣湊BB，所需時間大概1小時，酬勞是$150。那reseach應該是一個mixed study，quantitative +qualitative study。那潮爸就回覆e-mail說有興趣！RA 回覆問太太幾時得閒？潮爸就話囡囡是自己湊，潮爸幾時都得。但RA話research是針對媽咪的parenting，Sampling都consistently選擇媽咪，那潮爸就唯有問下太太幾時得閒，幫幫佢哋做咗個Survey佢。估唔到潮爸湊B都超越了Reaearch的硏究範圍。潮爸就幫太太約咗月尾做問卷，自己就做住自己爸爸湊B嘅reseach先。
另外今日在Facebook 看到一個post，係一位鄭博士撰寫的一篇文章，題目叫做《爸爸怎能不湊仔》，內容提到「一個家庭，父母都參與才能夠平衡，要爸爸順利地和孩子建立關係，最重要是能夠跟孩子獨處」大部分爸爸湊B，都耍手擰頭，而請爸爸參與孩子的生活，或許來得比較自然。但有時外因的關係，例如：媽媽覺得爸爸攰，怕孩子阻住爸爸休息，就沒有造就父親與孩子的溝通；爸爸因少與孩子溝通，不太懂孩子的情緒及喜好，媽媽見爸爸好像攪唔掂，就插手介入，跟住爸爸就覺得自己做極都唔啱，那就專注番工作，父子or父女關係就越來越缺乏溝通。潮爸覺得，習慣其實是需要時間去build-up，尤其湊小朋友，所以各媽媽亦應幫忙做一個supporter，而各爸爸就apply自己在工作上的耐性及毅力，為「男人的幸福」，「家庭的幸福」繼續努力！Add oil!