https://www.facebook.com/babyandpapa/posts/286334368219326
影影樓
呢兩年，帶BB去影樓影相已成為一種潮流，已成為BB年代不可或缺的一部分。有人newborn影一次，有BB六個月影一次，有一歲影一次，之後就每年影一次。而最近更加流行上門拍BB照，可免卻帶BB外出的麻煩，又唔怕BB去生保地方陌生而勁喊，更加唔駛怕影樓嘅condition夠唔夠冷氣、道具多唔多塵等而煩惱。
最近太太有位朋友帶小朋友s從美國回港歡度暑假，一家大細加埋公公婆婆姨媽姨丈舅父阿姨，成家總動員+其他好友s去影樓拍照。潮爸見咁高興，自己都影埋一份！一開始大家都...未warm-up似的，很禮讓地：「你先啦，你先啦。」其他小朋友就企曬喺門口，唔敢行入嚟，而囡囡一入到影樓，可能真的有點陌生，喊到收唔到聲！
開始咗影大概半個鐘，小朋友開始返嚟！之後就不斷做出古靈精怪的表情及佻皮動作。跟住就係：「呢邊！笑下啦！唔好玩啦！正經啲！哥哥，望鏡頭！弟弟，唔准咁核突！ 企好呀！唔准扁咀！妹妹好靚！E呀，E呀，E起棚牙笑呀！」小朋友就在這些聲音以及不斷閃動的影樓白燈+帶黃的modeling light下，影咗好多張自然而真情流露的相片！
到大人，由開始時皮笑肉不笑，越影越自然，之後男的就越影越chok，雙手插袋；女的就model甫士出曬嚟，滿有model味！每閃一下影樓燈，大家就轉一個post，好玩得很！影影樓有個好處，好似清咗場咁，就只得自己人，可以放開懷抱；唔駛好係喺街喺公園影咁，比周圍啲人望住曬，擺個post都好唔自然，笑都唔敢笑。
而囡囡因為陌生地方，喊咗半粒鐘，之後瞓咗，所以變成壓軸先出場！ 囡囡之前得果五個幾月，又未識爬又未識坐，那只有抱住嚟影，都影咗好多。今期揀咗幾張同大家分享。
開心嘅時光過得特別快，三小時嘅棚拍好快就夠鐘，雖然大家都意猶未盡，但影樓好均真，一夠鐘就要走。唔夠喉，才令大家更加期待下次的相聚及下回的棚拍！