https://www.facebook.com/babyandpapa/posts/288989177953845
當潮爸遇上爸爸
潮爸湊b開宗明義就是會帶囡囡出街，所以在其人仔細細，已遇到很多人和事。雖然BB在生理上未懂事，好多事情都未識反應，但潮爸知道BB應該能感受身邊的一切。
潮爸唔係嗰啲坐車坐撈匙Noise，坐飛機坐First咭匙嘅人，每次出街大概都係坐巴士或者紅Van，最多都係坐下的士。最近出街，尤其行Malls，都見到有一些爸爸抱B，媽咪推BB車；出街食飯，就見到爸爸食飽後抱B，媽咪先食飯，大家輪住食。發覺其實現代都應該幾多爸爸幫手湊B。
...
現在同囡囡坐巴士，潮爸明正言順坐關愛座。有一次湊住BB同太太坐巴士，一行到關愛座，發現有另外一個爸爸，抱住個同囡囡差不多大嘅BB，坐喺埋邊。那潮爸當然坐開面座位，放好潮包（BB袋）在膝蓋，就與隔離個BB打招呼。一埋位，爸爸就同潮爸大談湊B經！潮爸叫囡囡：「Say hello 啦！」跟住爸爸就攞起BB手仔，同囡囡give me five! 在conversation當中，得知那BB細囡囡少少，（囡囡識咗個弟弟），佢地請姐姐湊，有時婆婆幫下手睇住。而咁啱在巴士遇到，因為爸爸放假，抱囝囝到媽咪公司同公司啲同事玩下。之後傾下尿片用咩牌子，講下平時點湊BB，硏究下餵奶技巧等等！講下講下，囝囝BB好乖咁瞓咗...
潮爸就說：「嘩！你個囝囝勁乖，坐坐下就瞓咗！」
爸爸答道：「嘻！其實佢只係好驚青，出街見到人就乖！喺屋企就好曵，嗌到好大聲！」
隔離囝囝瞓咗，囡囡就踢曬腳，呀呀聲.....好似想叫醒囝囝陪佢玩咁
中途有人落車，見到關愛座坐住兩個BB，都異口同聲話「好得意！」轉過眼望上嚟，係兩個爸爸抱住，大家都O住嘴落車。一程車好快過，囡囡與新相識嘅弟弟告別。潮爸沒有與爸爸交換咭片，亦沒有刻意交換電話，大家瀟瀟灑灑地落車，知道大家都在附近上車，應該是街坊，那有緣再見吧！
啲媽媽級睇完呢篇好可能有啲「頂唔住」，然後心諗：「唉！你班湊仔公，湊個一陣你就好玩！聽男人講湊仔湊女經，唔知好嬲定好笑囉！」現在與爸爸級傾多咗計，而大部分內容都係講湊B，關於事業嘅話題都已經唔係priority，而每次傾談，一路講一路會回想返自己湊B的經歷，有好嘢就想與其他爸爸級分享， 好像進入了另一個未曾到過嘅思想空間，而在這空間，有種不能言喻的獨特..... 或者這種獨特，就像看到好像媽咪餵人奶，人們的思想空間內，都沒有別想，只想到媽媽的天職及媽媽身體的獨特功能，就是專門是為餵哺BB而設計，有種不可褻瀆的神聖吧！
各位爸爸級，努力呀！潮爸會無限量精神上支持大家湊B㗎！