https://www.facebook.com/babyandpapa/posts/289869177865845
First grip!
隨着時光的飛逝，囡囡每日以極速成長，轉眼已六個月大。三四個月大的時候，隻手成日用力握緊拳頭仔，但都不是握得太緊，比把芭蕉扇，叫囡囡：「自己揸住撥涼涼啦。」揸唔夠十秒就鬆開咗，扇扇就跌咗。有好多人都問，有冇比玩具佢玩，潮爸都話：「有！不過真係未識玩。」有些人見潮爸幫囡囡帶住隻手套仔（大家有睇潮爸日誌都知點解），又好緊張說：「你咁樣會影響BB手仔發育，第時手指會唔靈活㗎！」呢樣潮爸唔敢講，因為聽過好多人都話三四十歳，甚至更年長，亦考到三四級鋼琴。
每...逢用孭帶，潮爸就會除咗手套仔，因為捽唔到面。之後就一路行街一路比隻手指BB捉住。BB越大個，就越能用力捉實手指。看見朋友，潮爸就會叫囡囡同人握下手，朋友就用手指同BB握手，跟住就講：「嘩！佢捉得我好實呀！」玩咗一陣：「我走啦，拜拜！哎呀！BB仲好用力咁捉住我隻手指呀，係咪唔捨得我走呀？」BB手仔嘅grip，其實真係代表到好多窩心的感覺。
其實家裡的雜物房內，很多親戚朋友給與的玩具都未攞出嚟。但有一件玩具是兩三星期前朋友到來探囡囡時，即刻拆開比囡囡玩，當時都未識玩，而家終於可以自己揸住，搖下搖下（沙沙沙），仲玩成兩三分鐘先鬆手！叻叻！
另外有一日，囡囡食緊奶嗰陣，突然自己用雙手自己hold住個奶樽！潮爸勁十派！但hold唔夠三十秒，兩隻手又周圍郁。個Baby Sitting Balance其實仲有個玩具lock喺前面比BB玩，太太見BB好似開始識玩玩具，就裝返個玩具上去。BB就好認真咁，玩得好開心！
BB雖則每日大啲每日大啲，看似好快地及循序漸進地成長，但其實又會突然間又大個囡咗，當中又滿有驚喜！ 好！等潮爸聽日執一執個雜物房，攞定啲玩具出嚟先！