https://www.facebook.com/babyandpapa/posts/291988980987198
咬！
到到BB六個月後，通常大家都會問：「BB有牙仔未呀？」咁囡囡又未有牙仔。潮爸就上網睇咗啲資料，平均六個月BB就會出第一隻牙仔，四個月有牙仔係好早，而有extreme case 17個月先出第一隻牙仔。12至15個月仲未出牙仔，就會去牙醫度照X光，睇下啲牙仔喺牙肉裡面生成點。
某日與太太傾談，討論到唔知幾時出牙仔呢？太太話：「BB睇起上嚟，冇牙仔好似得意啲，趁佢未有牙仔快啲影多的相。」囡囡三個月大度，已經成日嘴郁郁。啲人見到總是會問：「BB係咪想食嘢？嗱，係嘞，見到...你食緊嘢佢梗係又想食啦！」或者：「BB係咪出牙仔？伸曬條脷出嚟，又係想食啦？」那當然不是，嘴郁郁大概是drooling的典型反應。
BB之前想食手，有時隻手放唔正入個口，而家大個咗，控制手腳的協調好咗，一放就放到入個口，仲要成口口水。有一次見到朋友，囡囡戴著淺紫色手套仔（一濕咗就會變咗好似深紫色咁，好明顯），比朋友抱下，朋友抱起囡囡，沒有專登㩒住隻手，於是囡囡就放隻手入個口，係咁啜，結果成隻手套由淺紫色變咗做深紫色 -- 濕曬！朋友之後就不斷嚷着：「隻手套濕曬啦！快啲同佢換過隻手套仔啦！你哋仲等咩呀？隻手比啲口水噏住唔好㗎！快啲啦！」流口水、食手、咬嘢，對於BB來說應該是很正常。現代人或許特別緊張，覺得空氣好污染，每一處都好污糟，BB食手一定會肚痛。其實我哋個胃啲胃酸有一定程度的保護，最緊要嘅係留意小朋友唔好有Lead poisioning。
而家囡囡放隻帶手套嘅手落口度，一口就咬甩咗，好犀利！。所以都可以唔駛戴手套仔。其實囡囡都沒有食手的喜好，不是那些小朋友啜手指 -- 要安全感嗰種，而只是間中覺得悶嘅時候，放隻手入口玩下。
有時見囡囡悶悶哋，就同佢玩下。潮爸見囡囡咬手指，就比自己隻手指囡囡咬下。叫囡囡：「大力啲咬Dad Dad 隻手指啦！」（大家請放心，潮爸有公共衛生意識，勤洗手，唔會做莫後黑手！）跟住就用力咬咗幾秒⌛️，之後就轉過嚟望住潮爸笑曬！囡囡無牙咬住手指，感覺很特別，有着一種另類的溝通方式，而且會十分珍惜，因為好快就出牙仔，出咗牙仔，就冇得咬了！