https://www.facebook.com/babyandpapa/posts/294044307448332
食糊仔
食糊仔，又名「引進固體食物過渡期」，食咗奶奶六個月，係時候試其他嘢啦。
其實as early as四個月大，已經可以introduce糊仔比BB，但有些BB可能真的唔適應或腸胃不太成熟，唔肯食或食咗會肚仔唔舒服，又或者新手爹媽整啲糊仔唔夠糊仔，所以BB食唔到。
記得有個朋友，同潮爸討論社區托兒的情況，話比潮爸聽佢之前送咗BB去托兒所，問那裡的姐姐當BB 4-5個月大時，會否餵糊仔比BB食，姐姐答：「唔駛住唔駛住，大的先！」那朋友就覺得托兒所唔想做咁多嘢囉！
其實BB四個幾月時，已經周圍去睇BB糊仔及米糊，去過好多問超市+萬X+屈xx，來來去都係得一兩種，喺冇乜得選擇嘅情況下，買咗罌南瓜蕃薯糊。第一次試餵，失敗！ 餵到囡囡扁曬咀！ 第二日再餵，失敗之中嘅失敗！ 潮爸見可能南瓜糊未得，就用咗嗰罌南瓜糊嚟煲湯，自己飲咗！（唔好嘥） 跟住又再物色其他味道的糊仔。
再隔三星期，潮爸從飛機上得到兩樽Pureed 蘋果糊，於是又再新安排餵糊仔大計。某天中午，在餵第二餐奶之前，再餵。囡囡看見匙羹有嘢食，好開心！放咗羹蘋果糊入以後，就即刻嗱埋口面+扁曬咀，跟住就將啲糊仔lur返曬出嚟，那潮爸就即刻將啲糊仔兜返住入個口，好不容易地，將三匙蘋果糊食曬！ 之後，潮爸再買咗盒米糊，本來都諗住會好似餵蘋果咁，一匙羮米糊四匙水，一次過沖兩匙羹，放咗入口，定咗一陣，可能之前中過計，試真啲係咩嚟先。但今次囡囡好犀利，食完米糊吞咗，然後笑曬。成功！！
食到最尾，潮爸挖埋碗底啲米糊自己試下，又真係幾香，幾好味！
太太得聞這消息很開心，之後幾日，都嚷着要親自餵糊仔：「可唔可以晏晝嗰次米糊，等我放工返嚟餵？」當然可以！而且囡囡（暫時）都食得乾脆利落，冇話食到周圍都係，good good! Thx Thx！
失敗乃成功之母，挫敗後的成功，除了得到特別的喜悅外，還多了一份珍貴的經驗！隨着歳月燃燒，潮爸湊b的經驗值，在每日克服湊b的困難中，慢慢地增長起來。真的要再次感恩，生命中，冥冥中，不知不覺中，難能可貴的經歷。