https://www.facebook.com/babyandpapa/posts/297237590462337
三種人
每次去母嬰健康院，都會派一至兩本叢書比爸爸媽媽。其實真係想知道，有幾多人真係會睇？
潮爸打開書仔，開頭都只係flip下flip下，然後放低咗喺枱。隔幾日，行過又攞嚟睇下，裡面有隻CD。潮爸又問：「而家MacBook Air 同 新嘅Pro 都已經冇CD-Rom， 有冇人真係會開隻CD嚟睇？」......結果，潮爸自己中曬！
...
本書裡面有一頁講嘅嘢幾interesting，「一般來說，嬰兒的脾性大致可分為三大類型：」
第一，溫和型
第二，慢熱型
第三，難纏型
咩類型代表甚麼？有那種特質？有那種需要?潮爸影咗張比大家參詳一下。
囡囡應該係屬於溫和型，而家大個囡咗，基本上只係肚餓同埋眼瞓，或者玩轉身，轉咗埋角落位出唔返嚟，先會喊下。平時都可以好靜咁喺床仔自己玩。除咗食嘢唔似溫和型，因為囡囡食飽就會自己停，再餵都唔食。
俗話有云：「物似主人型。」或「虎父無犬女」，另外生物學又講遺傳基因，總之咩都好，都係講緊自己的子女，總有點似自己。
未生之前好多人問潮爸，你想你個BB第日生出嚟似邊個？通常呢的問題，問嗰個都會自己答返：「仔就梗係似老豆好啦，女就梗係似媽咪靚靚。」似乎郎才女貌，仍然係現代人嘅ideal配對。潮爸一開始想這個問題，心諗：「似自己都幾驚！每日都見到一個同自己一模一樣嘅人，而BB有嘅嘢，表達嘅嘢，都係反映緊自己，好似照鏡一樣，好與唔好，都無所遁形！」要那麼真實去睇自己，對好多人來說都好驚，好可能是因為咁嘅情況，大家都將focus放喺小朋友度，唔再睇自己。但而家每日見囡囡成長，都會反觀返自己，對比一下囡囡表達嘅嘢，性格上有嘅嘢，自身有冇？在現世代社會生活，太多事情要處理，太多好玩嘅嘢未玩，太多凡人的煩惱要解拆，太多書要睇，太多嘢要買..... 抽身一下，放鬆一下，重新瞭解一下，仔細思量一下，那種人，有那種的需要......