https://www.facebook.com/babyandpapa/posts/297787030407393
環保BB
一講環保，大家都會即刻諗起「個人4R」，紙張兩邊用曬先扔掉，出街前要熄燈，用少啲膠袋，去BBQ自己帶食具等等；另外有些人就停車熄匙，有些人參與熄燈一小時，有些人則響應惜食堂活動，有些人則無綠不歡，總之，環保的活動多不勝數！
生咗BB，潮爸覺得自己好環保，因為絕大部分的物品，都是從親戚朋友回收返來的，只有消耗品，才是自己買。有一次有位在中學任教的化學老師嚟探BB，討論到用BB濕紙巾的問題。她說她的小孩子只用了兩包濕紙巾，跟着就不須再用，因為BB有便便就識得比s...ignal嗲哋媽咪去Ngng。另外亦討論了兩個環保的問題：第一是紙尿片，第二是膠奶樽。
潮爸聽到都有啲唔好意思，若果大家有睇開潮爸日誌，都應該知道潮爸一次過買咗三十包濕紙巾（另外外母又買咗兩箱）！ 至於紙尿片，其實大家都明瞭，有幾多percent係紙或者係咪真係紙？現今的disposable diaper，內層是用polyester，trap住啲尿尿；而外層是用一層polyethylene，總之都係膠。
而奶樽，化學老師是用玻璃奶樽，膠和奶的化學結構有類似的物質，而玻璃是SiO2，清洗係真係比較容易。不過奶嘴都無辨法，一定係用膠。另外奶泵跟機嚟都是4個膠奶樽，同埋唔駛掃風嗰隻奶樽都係用膠做，所以潮爸考慮咗好耐，都只好繼續用膠樽。
另外而家唔知係因為大個囡咗，轉緊食糊仔而食量唔穩定，定係女仔食嘢要睇心情？囡囡呢期成日食淨奶，有時半安，有時一安，有時甚至兩安。計好曬時間同份量，都會食剩。唔知點解，潮爸可以幫囡囡食埋啲糊仔，潮爸對牛奶都冇乜抗拒，但食剩啲奶真係食唔落。之前都唯有倒曬，但為咗環保及唔好浪費，又諗到一個新嘅方法：先食奶，後食糊仔！先餵奶，食剩的奶就即刻用嚟沖糊仔然後即刻餵，既方便，又環保，又能keep住用嚟沖糊仔啲奶新鮮！
環保，其實都好想BB參與埋一份，奈何夏天，真的不能不開冷氣❄️。希望在其他方面用少啲能源，物質盡量少，盡量回歸簡樸生活，而且繼續Go Green！