https://www.facebook.com/babyandpapa/posts/298738176978945
潮語
自從做咗潮爸之後，好多朋友都不時forward一些湊B的資料過來，而且傾計的話題每每都是離不開餵奶同湊B。最近學咗幾個新潮語，同大家分享一下：
1. 全奶媽：能餵全人奶，並且係埋身餵。有啲餵到夠之餘，仲要泵啲放入冰箱。一日起碼30oz 以上的奶量，係好多餵人奶的媽咪，夢寐以求的餵奶方式。有啲冰咗好耐都用唔曬，因為源源不絕有奶出，所以多到要扔咁啲(攞去浸浴做facial or 整人好皂）。如果能稱為全奶媽，她們應該感到十分自豪！
...
2. 全泵媽：BB埋唔到身，只有靠用電泵或手泵泵奶比BB食。奶量都足夠餵飽BB，有啲甚至與全奶媽一樣，多到要放入冰箱❄️❄️。奶泵在香港賣得好貴，潮爸買比太太那個，在美國賣$350USD，在香港賣緊$5000HKD！
3. 爆樽：泵媽一泵就將樽泵滿！
4. 粉B：是全奶媽及全泵媽用嚟形容沒有飲人奶的BB，又名奶粉BB。可能香港大部分人都是餵奶粉，因為要返工，通常餵一至兩個月就停咗唔餵人奶。
5. 追奶：用不同的方法，令奶量增加，從而夠餵飽BB。
6. 窮媽：埋身極+泵極都唔夠BB食嘅媽咪。
7. 水B：潮爸自己加的，因為囡囡常常飮Ready to feed。
太太從公司回來或人家給她餵人奶的資訊，放工回家就會與潮爸討論。有啲人可能會覺得，唔係下話，「男人老狗講埋啲咁嘢」。其實要擺脫這心理障礙好簡單，潮爸只當作這是日常生活的一部分，與討論平日去那裡用膳一般。餵人奶是媽咪偉大的天職，或者從男士的角度有啲尷尬，但如果討論層面能學術一點，也不失為一種課外知識。
在香港，個人或政制上推動餵母乳雖已開始了一段時間，在公共衛生層面，那邊比較effective？都是見人見智，或許要兩方面同時推行。但很多配套都要慢慢去讓人接受，以致改變。最近有個母嬰健康院嘅宣傳片，有個媽咪在公眾地方餵人奶，旁邊的人就話：「餵奶去洗手間嘛！」他女朋友好簡單的答咗一句：「無理由要BB去洗手間食嘢㗎嘛！」在以上的潮語中，有些褒，有些貶，其實大家都不必介懷，爆樽既，繼續感恩；窮媽也不需自責，盡了心力便可。其實大家都open-minded啲的話，健康，或許是一樣很自然就會得到的東西。