https://www.facebook.com/babyandpapa/posts/299435780242518
學習零障礙
記得十年前，有個Ex同潮爸講：「嘩！我見啲朋友，結咗婚，生咗小朋友，讀讀下書都要停學！幾年冇去過旅行，好似咩都停囇做唔到。所以最好喺結婚生仔之前做曬佢。」那時潮爸聽到，都有啲不明白？第一，去旅行邊又話去得曬？第二，當時那個年代，好多工都要Continuous Education (CE）又或者考多個Cert，Diploma or Degree 先有得升職，想唔讀都唔得，所以都冇話讀得完。而家可能仲係好多人咁諗，為咗去旅行，為咗讀書，仍然是單身。
潮爸早前已join咗Apple One to One Training Course，買Computer再+$768就可以一年內任上Apple啲courses。有iTunes 、iPhoto、iMovie、GarageBand、Final Cut Pro、Aperture 、Logic Pro等等，而潮爸去上的是Logic Pro X。從八月尾開始就多了一些時間，而囡囡又大個啲，定當啲，去一粒鐘上堂加traveling time 30 mins，應該唔會太扭計。
去到Apple，好多個staffs+好多人，原來都幾多人嚟上One to One training。導師好準時開始，潮爸鍾意帶自己機，因為做完啲effects可以即刻save返喺自己部機度，但要小心自己啲財物，因為人多，有次放咗把芭蕉扇喺枱面，差點被人混水摸魚咁偷咗。
大家睇相，見到囡囡望住個芒，可能即刻會話：「嘩！有冇攪錯！咁細個就比佢望住個芒，對隻眼唔好㗎喎。」如果大家真的從旁觀察小朋友，就知小朋友好少會停留望一樣唔郁嘅嘢好耐，學這個Logic Pro，個畫面都唔郁，所以囡囡一路都頭擰擰，淨係有幾秒望住個芒。一開始潮爸坐係度上堂，但上到35分鐘到，囡囡開始唔耐煩，喺度嘈嘈閉，不過Apple咁大同咁嘈，都唔係好覺。想BB唔嘈，有一招人人都識，就係企起身。所以有時見啲媽咪抱住BB坐地鐡，有人讓關愛座比個媽咪，但唔夠兩分鐘就彈返起身，然後就話BB唔比坐，場面都幾尷尬。「企起身」呢招，潮爸唔係成日用，盡量等到last minute先用。
小朋友都需要build up 一種習慣，很多家長都好buy early education，亦有很多research backup early education的好處。在生活層面，潮爸覺得如果自己能持續學習，去感染小朋友都能歡喜地學習，亦學習到怎樣去處理在學習時遇到的問題，將來能學到「學習零障礙」。