https://www.facebook.com/babyandpapa/posts/301550770031019
我的最愛
BB出咗世之後，各人的焦點都在BB身上。可能家族中太耐沒有初生嬰兒，BB對上的表姐已經十多歲，所以大家都額外excited！一向不羈，浪子型的舅父（哥哥不羈的風嗰種），間中揸車經過都話上嚟抱下BB；姨媽坐個半鐘車，都會上嚟睇下BB，順便落樓下食埋晚飯；婆婆一聽BB把聲，就非常雀躍；而姑媽，有時放工後都話想上嚟探BB；姑姐就睇完飛卜啲相，見到BB個脾仔，就話想啜啖；而每次同嫲嫲講電話，第一句都係：「BB點呀！」；BB媽咪每日都Whatsapp潮爸問候囡囡，而潮爸就講...笑話：「有心啦。」
本來呢兩個禮拜都去Apple shop One to One Training，但Apple called嚟叫潮爸唔好去住，因為好多人喺Apple Shop 攞機（當然加埋炒炒賣賣啲人），驚嘈同埋驚亂。那潮爸就抱囡囡出去陪太太食lunch，在等太太時，太太的同事經過又同BB打招呼，好忙。在食lunch的過程中，太太都抱住囡囡食，話好掛住。暫時，BB已成為家中的「我的最愛」。
而對於BB，見到我哋，當然好開心！但唯獨是肚餓，乜都唔制，淨係要最愛嘅奶奶！當初潮爸諗住襯囡囡肚餓，餵完糊仔先餵奶奶，改下習慣，但有一次食緊糊仔，食食下都唔制，一定要奶奶！
每個人在不同階段，我的最愛都不同。潮爸也是一個典型的大男孩，小時最愛超合金，跟住暗戀隔離班/位嘅女同學，然後就最愛打機，再而熱愛工作，繼而是啲Exs，跟着就是結婚對象，到現在湊B...... 在精彩的未來，大家的「我的最愛」會怎樣發展呢？