https://www.facebook.com/babyandpapa/posts/303621056490657
紅綠燈
潮爸相信，一百個人，有九十九至一百個，就算怎樣奉公守法，都必定試過唔跟交通燈過馬路。「條路都冇車，咪過囉！」「趕時間⌚️，一次半次唔緊要。」「咁夜嘞，又冇警察，唔怕啦。」
等交通燈，其實真係需要好有耐性。尤其是趕時間（住喺香港，冇乜邊個唔趕時間），等多三十秒都攪唔掂。唔知係生活緊張？定係太多嘢做？定係因為交通太方便？所以以每每都會預到好抆先出門口，或者有些人夾到啲時間啱啱好，點知either截唔到車or巴士早到咗，所以趕到命都冇，被迫唔跟交通...燈。
潮爸一向主張令BB融入家庭生活，instead of將BB成為家庭的中心點，而有些習慣不其然改變了一些。就是每每帶囡囡出街，過紅綠燈的時候，都特別注意安全，就算冇車，潮爸都會等到綠燈先過。同BB媽咪三人行的時候，BB媽咪都好alert 咁，叫潮爸等一等及行番埋啲，唔好企咁近馬路，等BB同自己都唔好吸咁多廢氣，然後心平氣和地等到綠燈先過。
有咗小朋友之後，好自然有多一種保護意識。最近都留意到一些戒煙廣告，用小朋友做cultural image，希望各位都為小朋友著想，不要吸煙！而以潮爸所知，有很多父母都會為小朋友戒煙或者at least食少啲。對自己對家人甚至身邊嘅人好啲。
小朋友，在成年人心目中都是比較innocent，好唔想傷害他們，或希望小朋友那種純真潔淨能保存下去。大家也把這種慈愛，推廣出去吧。