您的瀏覽器版本已過時。我們建議您更新瀏覽器到最新版本。

在社交媒體上共用

https://www.facebook.com/babyandpapa/posts/304814029704693

 

天氣

有好多人,可能落雨都會冇乜mood,尤其是weekends,放假先嚟黃雨/紅雨,唔想出街,更覺得嘥咗一日。

早前《出街街》篇,在夏天雖然風和日麗,但中午及下午的陽光實在猛烈得很,而且室內溫度高,在家關掉冷氣及風扇,抱着BB出街,行到電梯口,已經汗流浹背,所以要等到黃昏入夜才出動。
...
踏入秋季,天氣涼咗好多,潮爸已經做好準備,join咗一些Cafe的membership,打算帶埋囡囡約親戚朋友high tea及dinner,大家聚下、傾下、交流下。但偶爾遇着落雨,都沒辦法地只有取消meeting。想唔話「天有不測之風雲」都唔得。

有一次潮爸抱埋囡囡落樓下商場買啲嘢,買完行到商場門口,外面已傾盤大雨! 諗住細雨的先行,點知身邊已聽到人話:「咁大雨都帶BB出街......」潮爸知道此地不宜久留,大雨都開傘行出去。雖然潮爸屋企同商場只係隔兩條街及帶咗長傘,但大雨嘅程度都足以令潮爸對腳濕曬!而囡囡就因為撇雨,對腳仔濕咗少少。入到大堂,啲實Q問點解落雨仲帶BB出街?湊咗B咁耐,潮爸已經知道呢類型嘅問題,其實大家都係隨口問下。返到屋企,即刻幫BB抹手仔同埋濕咗嘅腳仔,唔知係咪所有BB都鍾意玩水,撇雨整濕咗,囡囡似乎仲覺得好好玩。上個月都諗過好多次帶囡囡去泳池玩水,但係都冇去到,因為仲細,未識玩,等明年夏天,大個啲先至去,到時一定會玩到癲!

「謀事在人,成事在天」,帶BB出街真係要睇天氣。其實落雨一定帶唔到BB車,那就一定要考慮出唔出街,淋唔淋濕,又係另一個問題,either大人or BB淋濕攝親,都係唔好。除咗天氣之外,這個星期,外面的氣氛好緊張,坐車出入,亦有點不方便。除咗工作,都沒心情想別的。不用返工的日子,只好做做菜,舒緩一下。

天氣變化,基本上是一個water cycle;生老病死,是人類身體的life cycle;唔知人類歷史有否cycle? 如果有的話,會否是中國曆法中,一甲子為一cycle呢?