坐如鐘
BB大概6個月大，根據一般情況，BB應該條腰夠力，可以自己坐喺度，然後用隻手撐住作平衡。去母嬰健康院打完6個月大要打嘅針，陶姑娘幫囡囡check曬身高體重，orientation，head circumference，各樣反應無問題，就教囡囡點坐。返到屋企，潮爸每日都放囡囡喺大人張牀度坐，好開心！坐到攰就自己扒喺度玩，玩到攰就瞓。
諺語有云：「站如松、坐如鐘、行如風、臥如弓。」這四種都是來形容人的姿態，或許大家都耳熟能詳。
...
站如松 = 站樁，站得穩，不左搖右擺。
坐如鐘 = 坐得穩穩陣陣，背脊挺直。
行如風 = 走路輕鬆，自然不拘謹，且讓人如沐春風。
臥如弓 = 睡覺時側臥，身體放鬆，古人養生之道。
傳統文化的四個姿態，聽起來很簡單，要養成習慣，都唔係咁容易。
潮爸都不斷嘗試將以上四種姿態練成習慣，試試去睇下以前啲人點解要咁做，而且流傳到而家...... 而囡囡第一樣學到，就係坐如鐘。囡囡坐喺度，用雙手㩒住張床，都坐得幾穩陣。BB都冇話坐定好耐，坐咗唔夠兩分鐘，就爬咗喺度，跟住又不停係咁轉身。
而家囡囡成日轉身，有時甚至反轉瞓or打側瞓。太太話：「好危險嘅喎！反翻轉得唔得？」於是潮爸又將囡囡反翻轉，但隔一陣又爬返喺度。那沒有辨法，BB瞓覺嘅時候唯有多啲望吓佢，同埋唔好擺咁多嘢喺張床仔，make sure she is safe. 囡囡應該快進入臥如弓，跟住好快識站如松，過多幾個月就識走嚟走去，到時行如風咁，一陣風就跑咗去，捉都捉唔住！