轉奶
一講到轉奶，好多媽咪都智窮力竭！除了全奶媽，無論是初生選購奶粉，或是六個月由1號轉2號，都complain話：「難...難...難！」
囡囡在醫院出世，比媽咪抱抱後，就立即送到兒科觀察，事源由穿羊水到生產超過三十小時，醫生建議到兒科觀察一晚，check咗everything ok後，先抱返比媽咪餵人奶（見《剪臍帶 • 續》）。在兒科渡過咗一晚，囡囡其實已食咗幾次Ready to feed。因為搣咗張招紙睇唔到咩牌子，所以潮爸問醫院姑娘Ready to feed係咩...牌子，但姑娘扮曬話唔知，話成日都會轉，淨係知係2oz 1樽，同埋BB幾鍾意食。
未有限奶令之前，潮爸間中行萬x及屈臣x，都會睇下啲奶粉咩價錢，而初生嬰兒奶粉（1號）就長期寫住：此貨品缺貨！當時潮爸心諗，到時餵唔到或唔夠人奶，要四處撲1號，都幾大劑。幸好囡囡出世前朋友幫忙訂咗兩罐思敏兒，看住門口先。加上在私家診所，比潮爸見到有惠氏S26 Ready to feed，問姑娘可唔可以拎兩支，姑娘話：「無人拎㗎啦，你攞曬得唔得？唔駛阻地方。」那潮爸就好不客氣地，成箱捧返去。其實都有點不好意思，於是生完之後送返兩樽薑醋請姑娘食，有來有往嘛。 屋企有兩罐思敏兒，有一箱S26，起碼兩個月都夠食，解決了奶粉的煩惱。
囡囡食咗兩個月思敏兒，發覺個面成日On and off 咁起粒粒，用曬所有方法都攪唔掂（見《捽面》），唯有試下轉奶。於是同太太商量轉買邊隻奶粉，原本太太揀思敏兒，係因為BB表姐都係食思敏兒同埋好少缺貨，最後決定試美贊臣，一試就Ok。
兩星期前，潮爸剛剛遇到Illuma的promotion，攞到一罐Sample，試咗，囡囡都適應。潮爸轉奶，從來都平常心，每次都留意便便的texture，so far so good。但緊記，避免喺打完針嗰兩日轉奶，因為BB通常都會發燒，可能冇energy去tolerate the changes；另外，如果可以的話，轉奶時一安一安咁轉，或混合原本食開嗰隻奶嚟轉。如見Allergy 或Bloody Stool，就要即刻停，並Consult兒科，睇下駛唔駛轉Neocate或Soy Formula等。
So far，囡囡食過六隻唔同嘅奶：
1. 母乳。2. S26 RTF。3. 雅培RTF。4. 思敏兒。5. 美贊臣1號及2號。6. Illuma 2號
而囡囡最鍾意係母乳！ 所以，各媽咪級努力，爸爸級十卜，盡量餵the best food「母乳」比BB！