https://www.facebook.com/babyandpapa/videos/vb.259453547574075/308579305994832/?type=2&theater (Video)
嗌Dad Dad 啦！
BB識嗌爹哋媽咪，係每一個新手父母最期待的一刻！潮爸亦都唔例外，第一次聽到曬嗌Dad Dad，大概在BB六個月大。點解潮爸到今個月先講，因為要make sure冇聽錯。
之前有朋友，在BB六個月大，post咗「第一次聽到BB嗌媽媽，好感動！」點知比朋友潤話係咪聽錯，係咪嗌mum mum（食嗰啲）？潮爸同朋友講過呢樣嘢，但朋友都係話：「係咪嗌打打咋？」囡囡識嗌「爹」字，追溯到BB四個月大。潮爸及太太每晚都教囡囡講「爹爹」，一兩星期後，囡囡發到單音「...爹」，不過係「D....eeeiii」，跟着就控制唔到。到咗三個禮拜前，囡囡每日都不停嗌「爹爹爹爹爹爹.....」潮爸出咗去做嘢，太太就錄咗啲片send比潮爸睇，好攪笑！
間中都有人問：「BB識嗌媽媽未？」話比佢哋聽聽BB嗌Dad Dad先。
1. 有些話：「咁爸爸湊住，識嗌Dad Dad都唔出奇。」
2. 有些話：「吓？！媽咪咪好慘！」
3. 有些話：「A！嗌邊個先就邊個辛苦啲！潮爸，你好自為知！」
4. 有些話：「你湊肯定有陰謀啦！」
Anyway... 識嗌either Dad Dad or Mommy 都係一件好事，點形容都冇乜所謂。 反正BB遲早都會識嗌，甚至講好多嘢，講唔停！到時會唔會嫌啲仔女煩？平常心，BB在識講嘢的period識講嘢；識企嘅period識企；應該有牙仔嘅時候有牙仔；生長線屬於正常，穩定發展就可以了。往是想BB肥肥白白，快高長大；大個咗之後又唔想佢哋咁快大...... 人家會說：「嘻，咁逢係父母都係咁㗎啦！」
由年青聽到而家：「你第日做父母就明白。」到剛才這句：「逢係父母都係咁」，到現在終於明白，做得潮爸，超越那些stereotypes吧！