https://www.facebook.com/babyandpapa/posts/310478999138196
超市
而家每星期，囡囡都會去at least 3-4次超級市場，因為潮爸要去買餸、買生果及日常用品。去到超市，囡囡就會好開心，因為好多嘢睇。潮爸鍾意after 9pm先去超市，大概都是食完晚飯後去，一來冇咁多人，唔駛排咁耐隊，二來職員開始refill啲貨架，好多啱啱開箱既生果，買到好多新鮮嘅食物！
屋企附近有間惠X超級廣場，真係包羅萬有，除了有普通超市的東西外，還有盆栽、日常家品，以及很多BB用品，另外那一家是有自助收銀機，如果買少少嘢就極之方便。有時行得多超市，同啲媽...媽級講起買餸及去買日常用品，有時覺得自己好似幫超市賣緊廣告咁，隨口都講到呢期買咩抵，買滿幾錢有折。
而家潮爸與太太由行IFC、海港城及銅鑼灣轉到經常行超市，加上最近巴士路線差不多全部都改道，索性唔出街喺屋企食。那行超市基本上變成近期的唯一娛樂。超級廣場期期都有啲新嘢，最近覺得呢個packing嘅維他奶幾特別，因為六盒1L，個盒嘅Size同囡囡成個人仔咁大！咁大盒都幾過癮，好像早前在fb見好多人post一大杯合味道杯麵，而裡面有十個細嘅杯麵；呢盒維他奶，其實潮爸都想買，但6L，攞返屋企真係有啲難度，所以只影張相留念算吧。
而家超市乜嘢都越嚟越貴，$10都未必買到3個橙，赫然上個月見到西柚勁抵，竟然賣$9.9有五個，仲平過街市，現代社會真奇怪！
另外，行超市要注意：
1. 行有雪櫃的地方，例如買蛋買芝士or雪糕，要留意不要企喺雪櫃前面太耐。BB孭喺前面，小心凍親。
2. 有時會好多小朋友在超市跑來跑去，見到這情形既然閃，以免撞親BB。
3. 開關雪櫃門時小心夾到BB隻手，因為有些人一買開嘢，就會忘形。
4. 舊式超市要經過欄桿才入到去，如果BB腳仔長就要小心夾到。
5. 用BB車緊記要睇實，唔好掛住買嘢就行咗去，免得比人推走咗部車都唔知。
出街街行超市或去人多嘅地方，都有着另類安全守則，小心駛得萬年船！