https://www.facebook.com/babyandpapa/posts/312080188978077
頭飾
由出世到而家，第一次見BB嘅人都估BB係囝囝，只有幾個先可以認出BB是囡囡。有時著咗裙仔，但因為用孭帶孭住，睇唔到著咩衫，所以人家都係認錯。之後有朋友送咗個靚靚headband比囡囡，是粉紅色的，人家見囡囡戴住就話：「你係女仔呢嘅喎，做咩戴頭帶？」另外，有一次囡囡戴住一個粉紅色髮夾，有個鄰居入電梯都問BB係仔定女？唔知大家係怕估錯？定係見到潮爸就估潮爸鍾意仔定女？抑或他們只想表達自己喜歡男仔或女仔的preference? 或者真係單純只憑感覺去估？無論怎樣估，都沒大不了...，因為與那些人都只是擦身而過，不必將自己停留在那數秒的空間。
BB滿月後，好多姨姨嚟探BB，送咗幾個好靚靚嘅頭箍比囡囡（Thx Thx Christine and Sisi 姨姨）。但係當時頭仔太細，成日鬆番出嚟；大個啲，又成日用手掹返落嚟，個頭箍遮住隻眼會喊。結果等到最近才多戴頭飾。
最近太太收到了一包BB頭箍禮物，是朋友在淘X訂購的，她說一次過訂多D會抵D，所以順道多訂幾個送給我們（Thx Thx Jerry EE）。 上星期去會所活動，囡囡戴咗個比較Sporty嘅頭帶，（Sporty headband from Abby 姐姐) 一來遮住前面啲蔭，二來又看似幫大家打打氣！大家努力，加油！
另外要多謝澄澄姐姐送的髪夾，用嚟幫囡囡襯衫一流！戴其他姐姐用過既髮夾有個好處，有用開頭箍髮夾嘅女孩子都知道，有啲夾戴戴下或因物料問題而戴到頭痕，媽咪級可能會比較注重靚靚，而潮爸就梗係「安全第一」，所以姐姐們戴過，即係無問題，Good good！
P.S. 生女，囡囡啲頭飾真係有排玩