頭髮
寫呢篇之前，考慮咗好耐寫唔寫，因為有些媽咪級見到囡囡咁多頭髮，都好羨慕！有些朋友有囡囡，覺得冇頭髮，1. 唔多似女仔 2. 冇得同佢扮靚，有啲甚至唔想帶BB去影相，話無頭髮，無mood影。有些人話剪咗就會多啲，所以幫BB剃光個頭，等啲頭髮再生過並生多啲。So far以潮爸所知，有啲得，有啲都係唔得。頭髮呢樣嘢與出牙仔都有類似的部分，就是控制唔到幾多及幾時有。
潮爸曾經上網search過及問過很多醫生及護士friends，囡囡在肚內幾時開始生頭髮？因為就算4D，都...照唔到BB幾時有頭髮及幾多頭髮，佢哋要生出嚟先知。太太陀BB的時候，曾經有媽媽級朋友話食多啲芝麻糊，BB可以有多啲頭髮，所以我們即管自家製芝麻糊試下。
囡囡咁多頭髮，潮爸只覺得是uncontrollable variations中的一點luck。囡囡可以早啲experience 到洗頭及吹頭的樂趣，BB媽咪可以用頭飾幫囡囡扮靚靚，（見《頭飾》）。有啲人suggest潮爸將BB啲baby hair，第一次剪落嚟的頭髮，收集好而整成毛筆作紀念，潮爸真想看看那毛筆的sample。又有好多朋友問太太，會不會幫囡囡剃光佢等BB再生多啲，不過太太都係話唔捨得。
記得八九十年代，有個廣告，係一個光頭男人戴著一個長假髮駕着開蓬車，很享受頭髮被風吹起的感覺。BB啲baby hair好柔軟，幫囡囡撥扇，啲頭髮就飛吓飛吓，好過癮。潮爸和太太都耐心地去期待著BB每一個美好的成長階段！
潮爸同太太共識咗一歳之後先剪頭髮，因為太太話唔捨得剪。現在做咗父母，才感受到甚麼叫做「身體髮膚，受之父母，不敢毀傷，孝之始也。」的真正意義！回歸返自己都要留意一下，不要令自己的父母掛心。