https://www.facebook.com/babyandpapa/posts/313690112150418
出街= 瞓覺？
囡囡之前細細個，潮爸suggested that，最好只係帶囡囡去兩至三小時街街，免得skip meal或太攰返到屋企太扭計；亦可以用出街街嚟adjust feeding schedule。而家大個囡咗，出街街嘅時間可以長啲。一般去探婆婆一次，等車+搭車來回+上上落落及計埋stay喺婆婆度玩，最少都5-6個鐘。有時喺婆婆度瞓一陣，有時on the way時瞓。潮爸見有啲BB，係任何時間都會食奶，在公眾場所、餐廳內，周圍人多人少的地方都食到奶。但在外出...時間，囡囡都係掛住睇嘢同玩，好多時沖咗奶都唔食，要真係搵到一個靜嘅地方，calm down咗先食。所以現在在安排 feeding schedule時，要更加嚴謹，九成都會餵完先出街。如果真係掛住玩而skip咗一餐，就盡量半夜起身 or stay up to 2-3 am，在不完全整醒BB嘅情況下，餵多一次，盡量keep返total daily milk intake去30-40oz（視乎餵多少糊仔）。
在眾多的交通工具中，囡囡喺巴士上喺最好瞓。坐地鐵同火車，車太穩定，無得搖下搖下，行地底嗰段又冇嘢睇，有時囡囡坐到悶，會嘈嘈閉添；坐Van及叮叮，車程太短，一落車就醒；而巴士，好有road feel又有風景睇，車程夠長的話，囡囡隨時可以瞓到30-45分鐘。
當然，喺去街街嘅時候瞓，睡眠質素可能未必夠喺床仔咁好。潮爸雖則不吝嗇去街街，但都唔係日日去long trip，帶完落街食早餐或中午落街買餸及日常用品，去一陣返屋企，潮爸煮一人餐及糊仔的時候（唔得閒同佢玩），囡囡通常就會瞓個痛快。醒咗，食奶，食完玩一陣又瞓，那潮爸either 把握時間休息一陣 or 煮晚餐 or 做工作上嘅事情。BB三寶：瞓、食、玩，都嘗試在三方面作出一個平衡，平衡不一定是33/33/33，在不同情況拉上補下，net output or net change 差不多，不會going too extreme 就可以了。