https://www.facebook.com/babyandpapa/posts/314138975438865
瞓大人床
BB能夠自己靜靜咁瞓自己張床，唔駛瞓大人床，可能係好多父母夢寐的事。好多時end up BB要瞓大人張床，其實係要大人陪佢瞓，第一、BB無安全感；第二、大人唔放心；第三，BB如果半夜起身Daddy媽咪唔駛專登走去BB床睇BB；第四、大多數全奶媽都會同BB同床方便埋身。這樣有好處，亦有唔好處。好處就是媽咪唔駛咁辛苦，成日起身，另外BB通常同大人一齊瞓後，就no complaint。但唔好處是BB通常都唔肯再瞓番自己張床，大人落咗床冇圍欄BB比較容易跌落地，爸爸因此做...咗廳長，最嚴重的是可能大人有時攰得濟，瞓著咗後責親BB都唔知。
BB剛由醫院抱回家時，未build up到安全感，同埋不時都喊。本來瞓覺嘅時間，驚驚唔肯瞓，係咁喊，喊到攰先肯瞓，而且好醒瞓，行路拖鞋聲，關廚櫃聲，甚至關洗手間門聲，都會醒。與太太商量，試唔試放囡囡在大人床瞓好？最終選取的方法是輪流抱住囡囡瞓，等囡囡完全瞓着，才放返落BB床。這樣做有兩個隱憂，就是如果BB瞓着時抱住及起身發現不是抱住（瞓着及起身不在同地方），會更加冇安全感！以及擔心長時間抱住瞓成為習慣，所以早上一定堅持放在BB床，晚上喊才輪流抱囡囡瞓，反正BB都要個半至兩個鐘餵一次，點都要起身。囡囡好錫潮爸及太太，兩星期左右就唔駛再抱住瞓。
潮爸間中會抱囡囡喺大人床玩，每次都好開心，咁大張床比佢轆嚟轆去。有時見囡囡咁乖乖，就當獎勵囡囡比佢喺大人床陪我哋瞓半粒鐘。放囡囡喺兩個枕頭中間，好得意，好滿足！所以話，開心，就係咁簡單！