聲音
在囡囡出世的頭一個月，因為未build-up到安全感，以及好醒瞓（見《瞓大人床》），潮爸與太太做所有事情都盡量輕聲，關門好細力，行路行行下索性唔著拖鞋，手機無時無刻都較至震機，唔開電視，大部分生活上要做嘅事情，如果囡囡瞓咗，都必定關上房門先做，例如煮餸、開攪拌機、開洗衣機及講電話。總之，難得囡囡瞓得咁舒服，唔好嘈醒佢。滿月後，潮爸和太太都開始出動，而囡囡就開始出街街生涯。滿月後一兩星期，潮爸觀察囡囡，每次出完街返到屋企就可以好快瞓着，而且瞓得好冧。開始聽到拖鞋聲及...關門聲都唔會醒，那潮爸與太太就將以締造絕對寜靜的環境，慢慢調節回以往的正常生活。除咗開電視，一切都回復正常。但有兩樣聲音took much longer time去適應，就是門鐘聲及風筒聲。
首先攪掂嘅係風筒聲。囡囡好早期已經用風筒吹頭，一早已習慣了風筒的聲音。如果潮爸與太太比BB早沖涼洗頭就冇問題，但偶爾潮爸比較忙或weekend夜返，就會幫囡囡先沖涼洗頭，等BB瞓咗先，之後潮爸最後先沖。開頭為免嘈醒囡囡，潮爸都會將風筒拿到廳先開（風筒一直在房間）。後來潮爸試下照舊在房吹頭，瞓咗既囡囡，竟然只係單開一隻眼，望下潮爸，然後瞓返！好攪笑！好似喺度講：「風筒聲咋下話，聽慣曬啦！」之後潮爸同太太吹頭，都完全不感到壓力了。
明天繼續......