聲音 • 續
自從很多聲音都bother唔到囡囡瞓覺，潮爸及太太就輕鬆很多！ 最後一役，就是攪掂門鐘聲。咁training呢樣嘢一定要逐步嚟，不能一步登天，另外亦要衡量BB嘅適應能力，比啲耐性，不能太急進。
潮爸全職湊B之前，太太仍在放產假，那時候潮爸外出工作，每晚大概都是十點到返屋企。在那時期，嫲嫲或婆婆間中會在家陪BB媽咪。而每次潮爸返屋企，都一定㩒門鐘，嫲嫲或婆婆都會話：「做咩唔自己用鎖匙開？會嚇親或者嘈醒囡囡㗎嘛！」之後就傳來一陣陣EE聲。那潮爸就入房抱下囡囡...，話比囡囡聽Dad Dad㩒鐘=返嚟抱囡囡呀！咁有人抱，囡囡就笑返。初時太太都擔心個門鐘會成日整醒BB，但潮爸説：「唔駛擔心，比十日時間BB適應下，如果唔係第日一有人㩒門鐘就喊，那時還要麻煩。人家來探我們，以為㩒鐘時整喊BB，會唔好意思。」那潮爸每一晚返嚟都consistently咁按幾下門鐘，點知唔夠十日，囡囡已經習慣咗，好叻叻！
之後約親戚朋友上嚟探囡囡，大家都問：「怕唔怕嘈住BB瞓覺？」那潮爸當然明白，大家上嚟都係想見BB，如果上到嚟BB瞓咗，或大人傾計嘈醒BB喊，大家都唔想。親戚朋友盛意拳拳，潮爸當然話Ok！每逢有人上嚟之前嗰日，潮爸就會同囡囡講定邊個嚟探佢，叫囡囡要招呼人。有幾次約左friend上嚟，已經話到咗樓下，但等多成十分鐘都唔見人，係咪搵唔到？點知裝下防盜眼，朋友就企咗喺門口。佢哋話驚唔敢㩒鐘，又唔敢打電話比我哋，驚有聲嘈親囡囡。大家都好錫囡囡，Thx Thx！
大家請放心，囡囡對好多聲都免疫，聽到門鐘聲都可以瞓得好冧。大家唔好企係門口，入嚟剛BB玩啦！