https://www.facebook.com/babyandpapa/posts/320567604796002
第一次搭飛機
而家有啲由香港去韓國嘅機票，係半夜出發，飛幾個鐘，去到係當地時間嘅早上，即係喺機度瞓，落地即刻去玩，慳返啲時間 。但潮爸而家真係年紀有返咁上下，都係回歸返以往「早機去，晚機返」。今次去和歌山係搭早機11am，即係要6am起身，等太太泵多次奶就出門口。
因為平時好少咁早起身，唔知醒，但好在囡囡突然間6:30am喊醒（之前同BB講咗去旅行），叫潮爸起身，囡囡真叻叻！太太拿拿臨泵完奶，較啱時間落去等機場巴士。去到機場Check-in 咗，然後入去個lounge度食個早餐就上機。
上機前，囡囡已經有啲眼瞓。太太問潮爸，起飛如果的氣壓變囡囡喊咁點算？但這問題不用擔心，因為囡囡起飛前已經瞓咗。去呢一程航空公司只安排到一個BB位（第一行）比BB及太太，而潮爸就要坐後幾行。潮爸問太太：「淨係你自己同囡囡坐，緊唔緊張？」太太答道：「都緊張㗎！」
起飛之後，雖然空姐攞咗個BB籃嚟比囡囡瞓，但都沒有用到，因為成程機都不是太穩定，安全帶個Sign成日著住。潮爸只是偶爾聽到BB喊，就走上前望下太太同囡囡，原來係隔離嗰個11個月大嘅BB爆喊！而這程差不多4小時嘅航程，隔離個BB由頭喊到尾，個媽咪都好無奈！而囡囡就望住隔離個姐姐喊+同靚靚空姐玩+瞓下覺，就到咗日本。
到咗大阪，囡囡其實有啲緊張，平時好輕鬆咁周圍望，但落咗機，攞咗行李，行出咗去，都握實個拳頭仔。潮爸趁太太去咗申請KIX張優惠咭（在機場消費有discount），潮爸就周圍行下介紹比囡囡知：「我哋喺Kansai機場，大阪好多嘢玩，一陣去租大車車，BB要坐Car seat㗎！」之後去攞車，show張KIX card，即刻有九折。
攞咗車，放囡囡落Car seat，因為未坐過，即爆喊！太太在後坐安撫BB，潮爸就攪掂啲行李，check曬車身blemishes，攪掂曬，旅程正式開始！
（不過未開車，囡囡已經瞓咗）
趁未天黑，事不宜遲，梗係即刻過機場隔離個Premium Outlet shop下先！