https://www.facebook.com/babyandpapa/posts/321276911391738
旅程第一天
去過大阪嘅朋友都知道，那個Premium Shopping Mall，真係好近，自駕遊的話，5-10分鐘一定到。而今次帶埋BB，太太就book咗機場附近一間酒店，放低行李，太太泵轉奶，即出去shop。
今時唔同往日，以前去到Outlet，潮爸同太太就馬上泊架車喺啲潮店附近，飛奔入去Shop啲平靚正嘅潮品，仲會兵分兩路，潮爸睇男裝，太太睇女裝，慳返啲時間，大家試完衫再交流一下意見，好有效率！做咗潮爸後，去Outlet，太太就叫潮爸停架車喺BB店舖附近，轉戰Shop囡囡啲衫！
Shopping 真是女人的天性，太太早已熟曬駕步，一上電梯行入去就係西松屋。眾所周知西松屋出名價廉物美而且多款揀，潮爸以前嚟過呢個Mall，但真係無留意到。西松屋真係好多款，加上7月呢個減價季節，都真係好平睇咗好多件，款式同價錢都好Ok！但大多是for 大個小小嘅小朋友，好少for BB size。最細嗰件仲都係70cm，而囡囡當時要著50-60cm。在鷄同鴨講一番後，Sales姐姐搵到唯一一件全店僅有的50cm長嘅衫，在無得選擇的情況下，今次潮爸同太太收一收手先，那時只是旅程的第一日，接下來睇下其他地方有冇。
Shop shop 下 shop 到攰，就梗係去食返個日本野菜冷麵。囡囡坐咗幾個鐘頭機+Shop咗咁耐，係時候要休息一下。潮爸用塊被仔遮住囡囡，等囡囡瞓咗，潮爸同太太就可以慢慢食。食完拉麵，就返酒店休息。
返到酒店，潮爸終於頭痕。囡囡因為生保地方+生保床，一路都喊唔肯瞓。那潮爸就冇辦法，要出絕招 ，就即係平時媽咪級會做嘅 -- 抱住瞓！有睇開《潮爸湊b日誌》嘅讀者都知，潮爸好少抱囡囡瞓，亦唔會暗囡囡瞓，攰就會自己瞓（除咗坐月嗰個月）。去旅行前都預咗囡囡會驚，不過估唔到喊得咁勁！酒店房有兩張大床，用枕頭圍住BB，等BB有多啲安全感。抱住囡囡+遮光布，暗到瞓咗先慢慢放低在枕頭s中間，但隔一陣囡囡就醒...這個動作重覆咗好幾次，到咗半夜兩點幾，囡囡終於好乖咁瞓得好冧，那潮爸及太太就即刻瞓，recover返啲體力，迎接以下落嚟的旅程 。