https://www.facebook.com/babyandpapa/posts/321604201359009
旅程第二天
去得旅行，仲要帶埋5個月大的囡囡，其實都好難有覺好瞓。之前一晚兩點幾先瞓，幸好囡囡八點幾先起身，等潮爸及太太都有返6粒鐘瞓。自駕遊就有這個好處，如果跟團，八點鐘就要上到車。
有樣嘢或許有許多人都忽略的，就是酒店周圍的環境。大部分人只會追有特色/旅遊書介紹的景點，或酒店內的設施，去旅行如走馬看花，去得景點多就覺得賺咗，但潮爸一般都喜歡hea住玩，去下景點之餘，亦會好好享受當地local的風土人情。昨晚住的酒店，外面的景色其實沒甚麼特別，只是有一塊一塊種着草的草地（草大概是有特別用途），但綠油油的草田，在微風吹過的時候，發出沙沙聲，那種寧靜中帶着天籟的聲音，不就是城市人在鬧市中渴望追求的那一點真？見酒店外的環境那樣的舒服，就在早上柔和的陽光底下，抱着囡囡四處走走......
回酒店執拾行李後，就起程出發。出發前，經過超市，買定一些日用品及零食，另外當然要買定包尿片（因為只帶了十多塊，一定要買）。在日本買Merries，13xx yen，對比返當時1兌8，平香港成$80HKD，如果而家去（1兌6.7），真系半價都唔止！買完日用品，再走一轉Outlet，太太就Shop自己嘢Shop得好開心（媽咪開心，BB開心），又買咗少少嘢比BB。食完lunch後，就上返車，set好GPS個destination，就馬上出發！！
在途中，囡囡當然坐Rear facing 嘅car seat，太太就坐在後面照顧住囡囡及陪囡囡玩。開住車，基本上囡囡都好enjoy road trip，睇下風景又好enjoy，望下媽咪，又好有安全感，坐下坐下，望下望下，就瞓著咗。而潮爸開車，亦都特別小心，跟返日本人開車嘅節奏，安全至上！行到半路，遇到one of 潮爸 favorites，在路面行走的鐵路（見cover picture）。列車將到時，路面的閘關上，聽着咚咚咚咚的聲音，看着閃礫的紅燈，期待着列車的經過，好有種古老、樸實、懐舊及鄉村的味道！
GPS一般有幾種路程選擇：有料優先，距離優先，一般優先，無料優先等等幾種，視乎車程。今次這個trip，和歌山白濱不是太遠，潮爸就選了無料優先，讓GPS帶潮爸走一些local的小路，一路享受自駕的樂趣，一路遊歷大街小巷，一路看看當地的風土人情；有時會停在車輛流量比較少的路旁，到路旁的小店光顧，並落車拍一些在旅遊巴及高速公路，永遠拍不到的風景照留念。