https://www.facebook.com/babyandpapa/posts/322035374649225
旅程第二天• 續
潮爸覺得，去旅行能去其residential area參觀一下，才不枉「到此一遊」。除咗停車拍攝一些當地的風土人情外，現在「自拍」一定不少得。以前玩相啲人自己影自己，人家都會話：「係咪自戀狂？」但時代唔同咗，自拍除了自娛外，還能拍出另外一種別人看不到的角度，難怪自拍棍or Gopro咁多人買。另外自拍時自己鍾意點影就點影，唔駛靠人，好free！
去日本旅行有度好，就是每間便利店（Lawson及Family Mart）都有洗手間，唔駛愁搵唔到。入得便利店，又順便買下零食/水/日用品補下貨，而且每間便利店賣啲嘢都有少少唔同，隨時有驚喜。今期有"哈近大"嘅期間限定：Lemon Ginger Float，勁好味！夏天食真一流！（可遇不可求，下一間已經搵唔返）每次去便利店的時候，潮爸及太太一定會輪流入去，唔可以見BB瞓咗就留低BB一個喺車度，一陣都唔得！Or 抱埋入去。千祈唔好怕麻煩。
車差不多開到白濱，潮爸沒有馬上去景點，因為都接近黃昏。囡囡差不多瞓足成程車，中間食咗一餐奶，開咗一支2oz嘅RTF，食完開多支又唔食，掛住望嘢。太太要坐在後座負責氹BB食，好不容易才餵完一餐。雖然feeding schedule 亂咗，但潮爸都盡量計住，隔三個鐘餵一次，而每餐有3-4oz。搵咗酒店，太太抱住囡囡去Check-in，潮爸就搬行李入房，放低曬行李休息一陣。入到酒店房，太太第一時間就係將冰袋及未食曬嘅人奶放入冰箱，然後即刻泵一轉。我哋都知道BB喺車度瞓，始終都唔係最舒服，等囡囡喺床瞓一陣，起咗身，餵一次先再出去周圍探下路，景點留待第二天先去。
在酒店餵奶，就會坐暖啲人奶比BB食；在車上，就食room temperature嘅RTF。（適逢夏天，室外都有成攝氏30度。）
在當晚around 9pm，潮爸及太太在酒店附近，搵到一間好舊式嘅日本食店。日本的人口老化問題很嚴重，年青的都去曬大城市工作，剩低長者留在countryside住。入到去，老伯伯及嬸嬸好好招待我們，潮爸點了一客「炒蛋丼」，雖不及大餐廳的精緻，但好好味！！在食店內有個古老的手撥電話，係要入錢打那種，仲要係粉紅色，好正，太太話一定要影張相留念。在這簡陋的環境下用餐，感覺十分有風味，並可感受到日本鄉村簡樸的生活模式。